web counter
LEXO PA REKLAMA!

SHKARKO APP

App Store
Google Play

E fundit!

x

Suedia po përshpejton procesin e lejeve të punës për punëtorët me kualifikim të lartë

22 Maj 2023, 11:49, Kosova & Bota CNA
Suedia po përshpejton procesin e lejeve të punës për
Foto ilustruese

Autoritetet suedeze kanë thënë se punëtorët me kualifikim të lartë do të mund të shkojnë në Suedi më shpejt pasi vendi po planifikon të thjeshtojë proceset e lejeve të punës.

Duke bërë të ditur lajmin, Agjencia Suedeze e Emigracionit tha se ka vendosur të prezantojë një model të ri për trajtimin e rasteve të lejeve të punës si dhe të krijojë njësi ndërkombëtare të rekrutimit, sipas "SchengenVisaInfo.com".

Sipas Agjencisë, modeli i ri synon të promovojë rekrutimin e punëtorëve me kualifikim të lartë nga jashtë Bashkimit Evropian dhe të shkurtojë kohën e përpunimit për marrjen e lejes së nevojshme.

Duke komentuar masën, Drejtori i Përgjithshëm i Agjencisë Suedeze të Migracionit, Mikael Ribbenvik, tha se një ndryshim i tillë është i nevojshëm për të rritur investimet si dhe për të tërhequr punëtorë më të kualifikuar në Suedi.

“Një proces që funksionon mirë për emigracionin e fuqisë punëtore është i rëndësishëm që kompanitë të jenë në gjendje të rekrutojnë, rriten dhe investojnë në Suedi”, thuhet në deklaratën e Ribbenvik.

Ribbenvik më tej shpjegoi se Agjencia do të bënte investime sipas nevojës. I njëjti theksoi se Agjencia do të ketë edhe ekipe shërbimi që mbështesin kompanitë si dhe punëdhënësit për të bërë sa më të lehtë rekrutimin e punëtorëve me kualifikim të lartë.

"Ne do të bëjmë investime në komunikim sipas nevojës dhe ekipet e shërbimit do të mbështesin kompanitë dhe punëdhënësit në rekrutimin e punëtorëve të kualifikuar dhe ndërmarrjeve të reja të mëdha”, tha Ribbenvik.

Sapo të zbatohet modeli i ri, brenda 30 ditëve do të jepet vendimi për kërkesën për leje pune për punëtorë të kualifikuar. Kjo do të thotë se koha e përpunimit do të reduktohet ndjeshëm dhe punëtorët me kualifikim të lartë jo të vendeve të BE-së do të mund të hyjnë më shpejt në Suedi për qëllime pune.

Gjithashtu, sipas modelit të ri, aplikimi për leje pune do të ndahet në katër kategori, në bazë të industrisë dhe profesionit.

Katër kategoritë do të jenë si më poshtë:

Kategoria A, e cila mbulon aplikimet për leje pune për punëtorë të kualifikuar

Kategoria B, e cila mbulon aplikimet për leje pune për profesione me rregulla specifike, siç janë profesionet sezonale

Kategoria C, e cila mbulon aplikimet për leje pune për profesionet që nuk kërkojnë një nivel më të lartë të kualifikimit akademik

Kategoria D, e cila mbulon aplikimet për leje pune për punësim në industri të përcaktuara si kërkuese nga Agjencia Suedeze e Migracionit

Kjo do të thotë se modeli i ri do të fokusohet kryesisht në lejimin e punëdhënësve që të sjellin punëtorë në Suedi pa pasur nevojë t'i nënshtrohen rregullave strikte.

“Modeli i ri nënkupton një fokus më të madh në aftësinë e punëdhënësit për të sjellë punëtorë të kualifikuar në Suedi. Njësitë e reja ndërkombëtare të rekrutimit do të trajtojnë dhe ofrojnë shërbim ekskluzivisht për punëdhënësit që rekrutojnë këtë grup,” theksoi Ribbenvik.

Tashmë është duke u krijuar një grup pune dhe modeli i ri është planifikuar të prezantohet në fund të këtij viti.

Suedia po përpiqet vazhdimisht të bëjë ndryshime për të tërhequr më shumë punëtorë në vend. Kohët e fundit, autoritetet thanë se Suedia do të thjeshtojë rregullat për marrjen e një karte blu të BE-së nga nëntori i këtij viti./ CNA.al





Lajmet e fundit nga