web counter
LEXO PA REKLAMA!

SHKARKO APP

App Store
Google Play

E fundit!

x

Ministri i Mbrojtjes i Britanisë thotë se rreziku i kërcënimeve në Ngushticë është kompleks

18 Mars 2026, 17:39, Kosova & Bota CNA

Ministri i Mbrojtjes i Britanisë thotë se rreziku i

BBC raporton se burime britanike të mbrojtjes bëjnë të ditur se Britania është në diskutime me ushtrinë e SHBA dhe aleatë të tjerë për mundësitë e hapjes së Kanalit të Hormuzit, një nga rrugët më të rëndësishme detare në botë.

Sipas raportimeve, një numër specialistësh ushtarakë britanikë janë dërguar në Komandën Qendrore të SHBA në Florida për të ndihmuar në planifikimin, përveç personelit britanik që është tashmë i stacionuar atje.

Ministri britanik i Mbrojtjes, Al Carns, deklaroi se Londra po zhvillon bisedime me aleatët për një përgjigje të përbashkët, duke theksuar se situata kërkon një angazhim shumëkombësh. Ai shtoi se diskutimet janë ende në “fazat shumë të hershme”.

Carns theksoi se kërcënimet në Ngushticën e Hormuzit janë komplekse dhe sfiduese, duke paralajmëruar se çdo mision i mundshëm shoqërimi do të ishte më i vështirë se operacionet e mëparshme.

Ai rikujtoi se gjatë luftës Iran-Irak, në vitin 1987, një operacion i ngjashëm përfshiu më shumë se 30 anije luftarake, duke nënvizuar shkallën e madhe të një ndërhyrjeje të tillë.

Ndërkohë, disa asete të Marinës Mbretërore janë vendosur në gatishmëri më të lartë, por sipas ministrit, për momentin nuk ka shumë vende të gatshme të dërgojnë anije luftarake në zonë, për shkak të nivelit të lartë të kërcënimit.





Lajmet e fundit nga