E fundit!

19:31 Aktualitet

Gabimi trashanik i Veliajt/ Betonieret “pushtojnë” rrugët e Tiranës

Problemi me qarkullimin e mjeteve të tonazhit të rëndë në ...

Masakra në Australi/ Autorët ishin babë e bir, të shtënat terrorizuan planin e Bondit për rreth 10 minuta

14 Dhjetor 2025, 22:38, Kosova & Bota CNA

Masakra në Australi/ Autorët ishin babë e bir, të

Baba dhe bir, raportohet se janë autorët e masakrës së ndodhur paraditen e sotme në plazhin e Bondit në Australi. Nga sulmi humbën jetën 16 persona, ndërsa 40 të tjerë mbetën të plagosur. Shefi i Policisë së Uellsit Jugor, bëri me dije se nuk po kërkojnë autorë të tjerë të dyshuar lidhur me sulmin tragjik.

Siç u raportua edhe më herët, një nga autorët, babai 50 vjeç u vra nga policia në vendin e ngjarjes, ndërsa djali i tij 24 vjeç mbetet në spital. 50-vjeçari ishte i pajisur me leje për të përdorur armë zjarri dhe kishte në posedim gjashtë të tilla. Besohet se këto gjashtë armë zjarri u përdorën edhe në masakrën e Bondit.

Autoritetet e kanë ciluar sulmin si "terrorist" dhe me motive të qarta "antisemite", një nga më seriozët e regjistruar ndonjëherë në Australi.

Dëshmitarët thanë se të shtënat në plazh, zgjatën rreth 10 minuta, teksa rreth 1000 njerëz ishin mbledhur për të festuar ditën e parë të Hanukkah, festë hebraike.

Autoritetet thanë se shumë më tepër njerëz do të ishin vrarë nëse nuk do të ishte për një kalimtar, të identifikuar nga media si Ahmed al-Ahmed, një pronar 43-vjeçar i një dyqani frutash, i cili u pa në një video duke nxituar të rrëmbente armën e njërit prej personave të armatosur ndërsa hapte zjarr ndaj civilëve të paarmatosur.

Kryeministri australian, Anthony Albanese thirri një takim të këshillit të sigurisë kombëtare të vendit dhe e dënoi sulmin, duke thënë se e keqja e shkaktuar ishte përtej çdo arsyeje.

"Ky është një sulm i synuar kundër australianëve hebrenj në ditën e parë të Hanukkah, e cila duhet të jetë një ditë gëzimi, një festë besimi. Një sulm ndaj australianëve hebrenj është një sulm ndaj të gjithë australianëve", shtoi ai.

Sulmi i sotëm është më i keqi në një seri sulmesh antisemite ndaj sinagogave, ndërtesave dhe makinave në Australi që nga fillimi i luftës së Izraelit në Rripin e Gazës në tetor 2023. Diaspora hebraike e Australisë është e vogël në popullsi, por thellësisht e integruar në komunitetin e gjerë, me rreth 150,000 njerëz që identifikohen si hebrenj në vendin prej 27 milionë banorësh. Rreth një e treta e tyre vlerësohet se jetojnë në periferitë lindore të Sidneit, përfshirë Bodmin.

Të shtënat masive janë të rralla në Australi, një nga vendet më të sigurta në botë. Sulmi i së dielës ishte më i keqi që nga viti 1996, kur një person i armatosur vrau 35 persona në një atraksion turistik në shtetin jugor të Tasmanisë. /CNA