web counter
LEXO PA REKLAMA!

SHKARKO APP

App Store
Google Play

Marrëveshja e mineraleve/ Kievi është gati të nënshkruajë me SHBA-në

30 Prill 2025, 16:39, Kosova & Bota CNA

Marrëveshja e mineraleve/ Kievi është gati të

Kievi thuhet se është gati të nënshkruajë marrëveshjen e mineraleve me SHBA-të.

Kryeministri ukrainas Denys Shmyhal tha se Ukraina dhe Shtetet e Bashkuara mund të nënshkruajnë një marrëveshje mbi mineralet strategjike brenda 24 orëve të ardhshme. Duke folur në një emision televiziv, Smihal tha se marrëveshja e përditësuar tani ka evoluar në një marrëveshje të vërtetë partneriteti, duke lënë të hapur mundësinë që ndihma e ardhshme amerikane të përfshihet në kuadrin e kontributeve në fondin përkatës.

Presidenti i SHBA-së Donald Trump kishte kërkuar nënshkrimin e kësaj marrëveshjeje në këmbim të mbështetjes ekonomike dhe ushtarake që SHBA-të i kanë dhënë Ukrainës vitet e fundit, që nga pushtimi rus i vitit 2022.

Ngurrimi fillestar i Kievit për të nënshkruar një marrëveshje të tillë kishte provokuar madje reagimin e administratës amerikane dhe pezullimin e përkohshëm të ndihmës për Ukrainën.

Trump, nga ana e tij, kishte argumentuar se kjo marrëveshje mund të funksiononte gjithashtu si një garanci indirekte sigurie, pasi SHBA-të do të kenë interesa ekonomike brenda kufijve të Ukrainës, të cilat do të duhet t'i mbrojnë.

Megjithatë, për momentin, është e paqartë nëse dhe si saktësisht një marrëveshje e tillë mund të kontribuojë në vijim, teksa pala ruse nuk po tërheq asnjë nga kërkesat e saj./CNA





Lajmet e fundit nga