web counter
LEXO PA REKLAMA!

SHKARKO APP

App Store
Google Play

Macron kërkon debat evropian për armët atomike

29 Prill 2024, 08:28, Kosova & Bota CNA

Macron kërkon debat evropian për armët atomike

Fillimisht ishte fjalimi parimor i presidentit francez, Macron, në Universitetin e Sorbonës, ku me fjalinë "Europa jonë mund të vdesë" dhe kërkesën që Evropa "imponojë respekt", ai shkaktoi reagime të gjera. Propozimi i Macron për forcim të mbrojtjes europiane u përshëndet te politika gjermane. Tani Macron kërkon një debat për rolin e armëve atomike në mbrojtjen evropiane.

Në një intervistë për grupin mediatik "Ebra" të shtunën (27.04.) Macron theksoi, se dëshiron të hapë debatin "që përfshin mbrojtjen raketore, kapacitetet e raketave me rreze të gjatë veprimi dhe armët atomike për ata që i kanë apo që në tokën e tyre kanë armë atomike evropiane". Macron kërkoi, "le t'i hapim të gjitha në tavolinë dhe të shohim, se çfarë na mbron vërtet". Franca është e gatshme të bëjë më shumë për mbrojtjen evropiane, ka thënë Macron. Që nga Brexit, Franca është e vetmja fuqi atomike në Bashkimin Evropian.

Macron kërkon debat evropian për armët atomike

Projekti gjermano-francez i një tipi tanku tërësisht i ri

Që në fjalimin në Sorbonne, Macron kërkoi forcimin e mbrojtjes evropiane, duke theksuar se kjo varet nga vendimet tona. Ai bëri thirrje për një mbrojtje evropiane "të besueshme". Macron deklaroi, se kërcënimi nuklear që ka në zotërim Franca është një "element i mbrojtjes së kontinentit evropian që nuk mund të shmanget".

Ndërkohë të premten (26.04.) pas vonesash të gjata projekti i një tanku luftarak gjermano-francez ka bërë një hap tjetër të rëndësishëm në zhvillimin e tij. Ministri gjerman i Mbrojtjes, Boris Pistorius, SPD, dhe homologu francez, Sébastien Lecornu nënshkruan në Paris një deklaratë qëllimore që përcakton shpërndarjen e detyrave mes koncerneve të të dyja vendeve. "Ky është një hap tjetër i rëndësishëm", tha Pistorius. Nuk bëhet fjalë për zhvillimin e mëtejshëm të tankeve aktuale, por për "diçka tërësisht të re"./ DW





Lajmet e fundit nga