web counter
LEXO PA REKLAMA!

SHKARKO APP

App Store
Google Play

E fundit!

x

Lirohet nga detyra zëvendësministri rus i Mbrojtjes

24 Shtator 2022, 15:17, Kosova & Bota CNA
Lirohet nga detyra zëvendësministri rus i Mbrojtjes
Zëvendësministri rus i Mbrojtjes, Dmitry Bulgakov

Zëvendësministri rus i Mbrojtjes, Dmitry Bulgakov, është liruar nga detyra dhe është transferuar në "një post tjetër", tha ministria e Mbrojtjes në Moskë më 24 shtator.

Ai do të zëvendësohet nga gjeneral-kolonel, Mikhail Mizintsev, i cili më parë mbante postin e kreut të Qendrës së Kontrollit të Mbrojtjes Kombëtare të Rusisë.

Ushtria ukrainase tha se Mizintsev udhëhoqi rrethimin e portit të Mariupolit, gjë që i dha atij pseudonimin "kasapi i Mariupolit".

Mariupoli u pushtua nga Rusia në fund të majit, pasi pjesa më e madhe e qytetit u shndërrua në gërmadha dhe mijëra civilë u vranë gjatë rrethimit.

Udhëheqja ushtarake ruse nën drejtimin e ministrit të Mbrojtjes, Sergei Shoigu, është kritikuar së fundmi në qarqe të afërta me Kremlinin.

Rreth dy javë më parë, ushtria ruse ishte tërhequr nga rajoni lindor i Ukrainës, Harkiv, nën presionin e një kundërofensive ukrainase.

Presidenti Volodimir Zelenski ka deklaruar se Ukraina ka rikthyer mbi 6.000 kilometra katrorë të territorit të pushtuar nga forcat ruse.

Pushtimi rus i Ukrainës ka nisur më 24 shkurt.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./ VOA





Lajmet e fundit nga