LEXO PA REKLAMA!

SHKARKO APP

Largimi i zyrtarëve serb nga institucionet e Kosovës/ I dërguari i SHBA-ve shfaqet i shqetësuar

19 Nëntor 2022, 16:17, Kosova & Bota CNA
Largimi i zyrtarëve serb nga institucionet e Kosovës/ I dërguari
Gabriel Escobar

Zv. Ndihmës Sekretari Amerikan i Shtetit dhe i dërguari i posaçëm për Ballkanin Perëndimor, Gabriel Escobar ka folur lidhur me largimin e serbëve nga institucionet e Kosovës. 

Ai është shprehur se një vendim i tillë nuk e zgjidh aspak situatën, duke theksuar se largimi nga institucionet është motiv për përshkallëzim.

Më tej në reagimin e tij ai shprehet se SHBA ka të njëjtin qëndrim me Bashkimin Europian, se zhvillimet e fundit janë mjaft shqetësuese, dhe rrezikojnë progresin që është bërë deri tani në dialogun e lehtësuar nga BE.


“Tërheqja e serbëve të Kosovës nga institucionet e Kosovës nuk është zgjidhje për mosmarrëveshjet aktuale dhe është potencial për të përshkallëzuar më tej tensionet në terren. Të gjitha palët duhet të ndërmarrin hapa për të ulur tensionet dhe për të siguruar paqen dhe stabilitetin. Veprimet dhe retorika që rrisin mundësinë për  dhunë, vënë në rrezik të panevojshëm jetët e pafajshme dhe ato të forcave paqeruajtëse ndërkombëtare që janë në terren.

Në këtë intervistë ai ka folur edhe për planin franko-gjerman. 

“Progresi drejt normalizimit të marrëdhënieve Serbi-Kosovë përmes dialogut të lehtësuar nga BE-ja, është shumë i rëndësishëm për stabilitetin rajonal dhe për stabilitetin evropian, në një kohë kur po përballemi me agresionin e Rusisë në Ukrainë dhe me krizat e goditjeve që pushtimi brutal dhe i pajustifikuar i Putinit ka shkaktuar në të gjithë Evropën. Detajet e propozimit po diskutohen në kuadër të dialogut të drejtuar nga BE-ja. Ne e mbështesim fuqishëm: Mendoj se pas diskutimeve mes dy qeverive, të fillojë një përfshirje më e madhe edhe e publikut.”./CNA.al

Lajmet e fundit nga