web counter
LEXO PA REKLAMA!

SHKARKO APP

App Store
Google Play

Kurti thumbon në sy Vuçiç/ “Të ndërpriten kërcënimet e sigurisë”

22 Janar 2024, 11:51, Kosova & Bota CNA
Kurti thumbon në sy Vuçiç/ “Të ndërpriten
Kryeministri i Kosovës, Albin Kurti

Kryeministri i Kosovës, Albin Kurti thumboi presidentin e Serbisë, Aleksandër Vuçiç gjatë fjalës së tij në samitin e Shkupit.

Duke iu drejtuar liderëve të Ballkanit Perëndimor dhe përfaqësuesve të BE-së e SHBA-së, Kurti tha se duhet të ndërpriten kërcënimet e sigurisë për Kosovën.

Ai deklaroi se Kosova është e gatshme për reforma, por nënvizoi se çelësi i tyre janë marrëdhëniet normale dhe sundimi i së drejtës.

“Në vitin e kaluar, në tetor, në samitin e procesit të Berlinit, e tregova idenë time për planin, që bazohet në disa shtylla për reformimin dhe zgjerimin. Procesi i Berlinit doli nga një mungesë për ndjenjës e zgjerimit urgjent, ndërsa tani për rritje, për shkak se agresioni rus vazhdon në Ukrainë. Ky takim vjen pas atij të takimit të ministrave të Financave në Maqedoninë e Veriut.

Kjo agjendë e reformave duhet të reformojë administratën. Fokusohet në agjendën jeshile dhe digjitalizimin, ndërsa në privat do të përmirësojë financat. Gjithashtu përgatitim listë indikativë për zhvillimin ekonomik.

Plani i rritjes është i rëndësishëm për bashkëpunim më të fuqishëm rajonal, dhe të jemi të vetëdijeshëm për fuqitë transformuese, siç është deri më tani lidhur me përmirësimin. Kosova është e gatshme për reforma. Që rajoni të integrohet ekonomikisht dhe qytetarët të përafrohen, kërcënimet e sigurisë duhet të ndërpriten. Kërkova besim dhe marrëdhënia mes vendeve tona, kjo nuk mund të ndodhë nëse liria për mallra shfrytëzohet që të barten municione. Marrëdhëniet normale janë kyç për shfrytëzimin e potencialit. Në demokracitë liberale ka rëndësi sundimi i së drejtës”, theksoi kreu i qeverisë së Kosovës./ CNA





Lajmet e fundit nga