web counter
LEXO PA REKLAMA!

SHKARKO APP

App Store
Google Play

Kurti: Opozita voton me zell kundër Albulenës, por nuk guxon të votojë kundër Listës Serbe

7 Shtator 2025, 12:47, Kosova & Bota CNA

Kurti: Opozita voton me zell kundër Albulenës, por nuk guxon të

Kryeministri në detyrë i Kosovës, Albin Kurti ka folur në mbledhjen e Këshillit të Përgjithshme të Lëvizjes Vetëvendosje, pasi u propozua për kryeministër.

Gjatë fjalës së tij, Kurti tha se në mandatin e ardhshëm një nga pikat kyçe të qeverisjes do të jetë marrja e statusit të vendit kandidat për në BE.

Më tej, kryeminsitri Kurti deklaroi se synimi është që grupkapitujt e integrimit të jenë mbyllur deri në vitin 2030.

Kurti gjithashtu u ndal dhe te ngërçi për konstituimin dhe vendimi i Gjykatës Kushtetuese, të cilën e quajti hije politike e opozitës.

Kurti tha se nuk ëshë hera e parë që Kushtetuesja dëmton procese të rëndësishme për qytetarët e vendit.

Sa i përket opozitës, kryeministri i Kosovës u shpreh se partitë opozitare votojnë me zell kundër Albulena Haxhiut, por nuk guxojnë të votojnë kundër Listës Serbe.

 

“Marrja e statusit të vendit kandidat në BE do të jetë një nga pikat kyçe tona. Do të zgjerojmë marrëdhëniet dyplaëshe me vendeët mos njohëse, veçanërisht ato në NATO. Synimi është që deri në 2030 vendi ynë të ketë mbyllur të gjithë grupkapitujt e integrimit, drejt anëtarësimit në BE.

Gjykata Kushtetuese po funksonon si një hije politike e opozitës ndaj Vetëvendosjes. Kam dilemë nëse është më shumë absurde apo e dëmshme kjo masë e Kushtetueses. Ne donim marrëveshje politike, ndërsa opozita orë e çast te Gjykata Kushtetuese. Nuk është hera e parë që Kushtetuesja dëmton procese të rëndësishme për qytetarët e vendit. Partitë opozitare votojnë me zell kundër Albulenës, por nuk guxojnë të votojnë kundër Listës Serbe. Sot vuajmë nga kaosi i informacionit. Terri informativ është zëvendësuar me një mjegull informative në kushtet e lirisë”, tha Kurti./ CNA





Lajmet e fundit nga