web counter
LEXO PA REKLAMA!

SHKARKO APP

App Store
Google Play

Kosova voton!/ Qytetarët do të zgjedhin kryetarët e 38 komunave

12 Tetor 2025, 07:14, Kosova & Bota CNA

Kosova voton!/ Qytetarët do të zgjedhin kryetarët e 38 komunave

Sot, qytetarët e Kosovës me të drejtë vote, do t’u drejtohen sërish kutive të votimit.

2 milionë e 69 mijë e 98 votues, votojnë për të zgjedhur kryetarët në 38 komuna të vendit dhe anëtarët e 38 kuvendeve komunale.

Numri i subjekteve politike të certifikuara për pjesëmarrje në këto zgjedhje është 93, prej të cilave, 32 parti politike, 2 koalicione, 32 iniciativa qytetare dhe 27 kandidatë të pavarur.

Numri i përgjithshëm i kandidatëve të certifikuar dhe që përfaqësojnë këto subjekte politike, është: 5,624 kandidatë, prej të cilëve 205 kandidatë për zgjedhjet për kryetarë të komunave dhe 5,419 kandidatë për zgjedhjet për Kuvende Komunale.

Nga numri i përgjithshëm, vetëm për zgjedhjet për kryetarë të komunave janë certifikuar 205 kandidatë, prej të cilëve 185 burra dhe 20 gra. Ndërkaq, në zgjedhjet për Kuvende Komunale janë certifikuar 5,419 kandidatë, prej të cilëve 3,395 burra dhe 2,024 gra.

Procesi i votimit do të zhvillohet në 938 Qendra të Votimit, me gjithsej 2,625 vendvotime, prej të cilave 910 qendra me 2,571 vendvotime për votimin e rregullt dhe 38 qendra, nga një për çdo komunë, me 54 vendvotime, për të mundësuar votimin me kusht.

Sipas Listës së Votuesve, numri i qytetarëve me të drejtë vote për të votuar sot në Republikën e Kosovës është 2 milionë e 69 mijë e 98 votues të cilët janë të shpërndarë në 38 komuna./ CNA





Lajmet e fundit nga