web counter
LEXO PA REKLAMA!

SHKARKO APP

App Store
Google Play

E fundit!

x

Kosova nënshkruan Marrëveshjen 'CISMOA'/ Kurti: Arritje e rëndësishme në ngritjen e kapaciteteve të mbrojtjes

13 Maj 2025, 17:24, Kosova & Bota CNA

Kosova nënshkruan Marrëveshjen 'CISMOA'/ Kurti: Arritje e

Sot në Prishtinë u nënshkrua Marrëveshja e Bashkëpunimit për Ndërveprueshmëri dhe Siguri në Komunikim (CISMOA), në mes të FSK dhe J6 të Komandës Evropiane të Ushtrisë Amerikane.

Sipas Ministrit të Mbrojtjes Ejup Maqedonci, kjo marrëveshje është e një rëndësie të veçantë pasi mundëson shkëmbimin e informacioneve të sigurta, kriptografike dhe përdorimin e teknologjisë së avancuar të mbrojtjes nga FSK.

Marrëdhëniet e FSK-së me aleatët e saj strategjikë janë të rëndësishme në fuqizimin dhe zhvillimin e saj, e në linjë me këtë Komanda e Forcave Amerikane për Evropë (EUCOM) do të vazhdojë të luajë një rol kyç në ngritjen e kapaciteteve të mbrojtjes.

Më këtë rast, ka reaguar edhe kryeministri i Kosovës, Albin Kurti. Nëpërmjet një postimi në rrjetet sociale, Kurti u shpreh se nënshkrimi i kësaj marrëveshjeje është arritje në fushën e mbrojtjes.

“Më 24 gusht të vitit 2023, bashkë me atëherë ambasadorin amerikan në Kosovë, Jeffrey Hovenier nënshkruam marrëveshjen mbi masat e sigurisë me qëllim të mbrojtjes së informacionit të klasifikuar, duke e fuqizuar kështu edhe më shumë bazën e bashkëpunimit ndërmjet dy vendeve tona në fushën e sigurisë. Sot, ajo marrëveshje po konkretizohet edhe më tej nga Forca jonë e Sigurisë dhe J6 e Komandës Evropiane të Ushtrisë së Shteteve të Bashkuara të Amerikës me një marrëveshje të veçantë për Ndërveprueshmëri dhe Siguri në Komunikim.

E përgëzoj Komandantin e Forcës së Sigurisë së Kosovës, Gjenerallejtënant, Bashkim Jashari dhe ministrin e Mbrojtjes, Ejup Maqedonci për këtë arritje të rëndësishme në ngritjen e kapaciteteve të FSK-së dhe shpreh mirënjohjen ndaj Shteteve të Bashkuara të Amerikës për mbështetjen e vazhdueshme dhe bashkëpunimin e ngushtë, veçanërisht në fushën e mbrojtjes”,-shprehet Kurti./CNA

Kosova nënshkruan Marrëveshjen 'CISMOA'/ Kurti: Arritje e





Lajmet e fundit nga