web counter
LEXO PA REKLAMA!

SHKARKO APP

App Store
Google Play

E fundit!

x

Komunikimet me Epstein/ Miroslav Lajçak jep dorëheqjen nga detyra si këshilltar i Robert Fico

31 Janar 2026, 20:05, Kosova & Bota CNA

Komunikimet me Epstein/ Miroslav Lajçak jep dorëheqjen nga detyra si

Ish-përfaqësuesi i BE-së për dialogun Kosovë-Serbi. Miroslav Lajçak, ka dhënë dorëheqjen nga posti i tij si këshilltar i kryeministrit të Sllovakisë, Robert Fico.

Dorëheqja e tij vjen pas zbulimeve se Lajçak shkëmbeu mesazhe me të dënuarin për abuzim seksual, Jeffrey Epstein. Sipas raportimeve të mediave të huaja, në një shkëmbim mesazhesh telefonike, një person i identifikuar si "Miro Lajcak" i shkruan një personi të identifikuar si "Epstein": “Përshëndetje nga Kievi! Vetëm për të konfirmuar që vajzat këtu janë po aq të bukura sa gjithmonë :)”.

 

Komunikimet me Epstein/ Miroslav Lajçak jep dorëheqjen nga detyra si

Kryeministri sllovak, Fico e njoftoi vendimin përmes një deklarate të ndarë në Facebook, ku e cilëson Lajçak, si “një diplomat të shkëlqyer”.

Në reagimin e tij ai kritikoi kundërshtarët e tij, të cilët, sipas tij, nuk i kishte parë “me kaq shumë hipokrizi” për një kohë të gjatë.

“Miro e ka dëshmuar edhe një herë veten si një diplomat i shkëlqyer dhe unë e pranoj ofertën e tij për t’i dhënë fund bashkëpunimit tonë, megjithëse të gjithë ne, jo vetëm unë, po humbasim një burim të jashtëzakonshëm përvoje në diplomaci dhe politikë të jashtme. Është e çuditshme që një simbiozë e ngjashme e medias, opozitës dhe partive qeveritare nuk e shënjestroi liderin e opozitës Simecek, i cili, përmes mashtrimit me grante në nivelin e Sllovakisë dhe BE-së, përfaqëson një rrezik shumë më të madh për reputacionin e vendit tonë sesa këshilltari i kryeministrit, Miroslav Lajçak”, ka thënë Fico në një deklaratë.

Departamenti Amerikan i Drejtësisë publikoi të premten më shumë se tre milionë faqe dokumentesh në dosjet e Epstein. Dokumentet, të cilat i referohen disa figurave të shquara, si Steve Bannon, Elon Musk dhe udhëheqësve botërorë, përfshijnë gjithashtu shkëmbime midis Lajcak dhe Epstein. /CNA





Lajmet e fundit nga