web counter
LEXO PA REKLAMA!

SHKARKO APP

App Store
Google Play

E fundit!

x

Kërcënohet vajza e Giorgia Melonit

31 Maj 2025, 19:10, Kosova & Bota CNA

Kërcënohet vajza e Giorgia Melonit

“I uroj vajzës së Melonit të njëjtin fat si vajzës nga Afragola".

Ky mesazh kërcënues, ka qarkulluar në mediat sociale dhe është raportuar nga Fratelli d'Italia në Instagram, ku thuhet se është vepër e një profesori të punësuar nga MIM. Hetimet ishin të menjëhershme, të njoftuara nga Ministri i Arsimit Giuseppe Valditara. Po aq i menjëhershëm ishte dhe solidariteti në të gjithë spektrin politik ndaj Kryeministres dhe vajzës së saj, Ginevra. Kryeministrja ka reaguar në rrjetet sociale përmes një postimi X.

"Kjo nuk është një përplasje politike. Nuk është as zemërim. Është diçka më e errët, që tregon për një klimë të sëmurë, një urrejtje ideologjike, në të cilën gjithçka duket e lejueshme, madje edhe dëshira për vdekjen e një fëmije për të goditur një prind. Dhe është kundër kësaj klime të dhunshme që politika, e gjithë ajo, duhet të dijë të bashkohet. Sepse ka kufij që nuk duhen kaluar kurrë. Dhe mbrojtja e tyre është një përgjegjësi që shkon përtej çdo përkatësie", shkruan Meloni. 

Politika është bashkuar në dënim dhe solidaritet, duke filluar me Ministrin e Arsimit i cili denoncoi incidentin dhe kërkoi hetime të menjëhershmr, si dhe presidentët e Senatit dhe Dhomës, Ignazio La Russa dhe Lorenzo Fontana dhe dy zëvendëskryeministrat Antonio Tajani dhe Matteo Salvini si dhe shumë eksponentë të tjerë të politikës./ CNA





Lajmet e fundit nga