web counter
LEXO PA REKLAMA!

SHKARKO APP

App Store
Google Play

E fundit!

x

Rusia e akuzoi se furnizon me armë Ukrainën/ Vuçiç në panik: Do ndërpresim kontratat

30 Maj 2025, 22:01, Kosova & Bota CNA

Rusia e akuzoi se furnizon me armë Ukrainën/ Vuçiç

Presidenti serb Aleksandar Vuçiç njoftoi se do të urdhërojë ndërprerjen e të gjitha kontratave për shitjen e armëve dhe municioneve për të cilat, sipas tij, ka dyshime se ato mund të jenë keqpërdorur dhe kanë përfunduar në frontin e luftës në Ukrainë.

Deklarata e Vuçiç vjen pasi Shërbimi i Inteligjencës së Jashtme i Federatës Ruse (SVR) publikoi një deklaratë duke akuzuar Serbinë se, pavarësisht deklaratave të saj të neutralitetit, vazhdon të furnizojë fshehurazi Ukrainën me municion.

Vuçiç u përgjigj në një dalje në programin kryesor të lajmeve të Radio Televizionit të Serbisë (RTS), ku pranoi se e kishte diskutuar çështjen edhe me Presidentin rus Vladimir Putin gjatë vizitës së tij në Moskë në fillim të majit. Ai theksoi se një grup pune është krijuar tashmë midis Serbisë dhe Rusisë për të shqyrtuar faktet në lidhje me akuzat e ngritura.

“Pa diskutim do të jap një urdhër dhe paralajmërim se, kudo që ka dyshime për keqpërdorim të 'përdoruesit fundor' dhe dërgim të armëve në frontin e luftës, kontratat nuk do të zbatohen”,-tha Vuçiç./CNA





Lajmet e fundit nga