web counter
LEXO PA REKLAMA!

SHKARKO APP

App Store
Google Play

Kancelari Merz: Ushtria gjermane do të forcohet për të mbrojtur NATO-n

28 Gusht 2025, 17:06, Kosova & Bota CNA
Kancelari Merz: Ushtria gjermane do të forcohet për të mbrojtur
Kancelari gjerman Friedrich Merz

Gjatë vizitës së tij të parë në marinën gjermane, kancelari Friedrich Merz theksoi angazhimin e vendit për të forcuar kapacitetet ushtarake dhe mbështetur NATO-n në mbrojtjen e sigurisë dhe stabilitetit të aleancës. Ai e vuri theksin në rëndësinë e gatishmërisë përballë kërcënimeve të përditshme nga ushtria ruse.

"Ne jemi duke parë aktivitete të vazhdueshme nga Rusia që testojnë aftësinë dhe gatishmërinë tonë për t’u mbrojtur," tha Merz gjatë një vizite në fregatën antinëndetëse "Bayern" në brigjet veriore të Gjermanisë. Kancelari shtoi se vendi do të vazhdojë të bëjë çdo përpjekje për të mbrojtur lirinë dhe integritetin territorial të aleancës.

“Përpjekjet tona për mbrojtje janë bërë më të rëndësishme pas fillimit të luftës së Rusisë ndaj Ukrainës,” tha Merz, duke theksuar se siguria e Gjermanisë dhe NATO-s ka fituar një prioritet të ri.

Gjatë vizitës, kancelari u takua me komandantin e marinës, Jan Christian Kaack, në portin e Rostockut dhe mori pjesë në inspektimin e selisë së re taktike detare, që është përgjegjëse për planifikimin dhe drejtimin e operacioneve dhe stërvitjeve detare për NATO-n.

Maria gjermane, që përbëhet nga rreth 15,300 ushtarë, është dega më e vogël e Bundeswehr-it, pas forcave ajrore dhe ushtrisë, por ajo luan një rol të rëndësishëm në forcimin e kapaciteteve detare të aleancës./CNA





Lajmet e fundit nga