LEXO PA REKLAMA!

SHKARKO APP

E fundit!

x

Ish-kancelari austriak Kurz akuzohet për dëshmi të rreme

18 Gusht 2023, 14:49, Kosova & Bota CNA
Ish-kancelari austriak Kurz akuzohet për dëshmi të rreme
Sebastian Kurz

Ish-kancelari austriak Sebastian Kurz është akuzuar për dhënie dëshmi të rreme përpara parlamentit, tha të premten zyra e prokurorit austriake për krime ekonomike dhe korrupsion, shkruan "Reuters".

Politikani konservator dhe ish-shefi i tij i kabinetit, Bernhard Bonelli, akuzohen se kanë dhënë dëshmi të rreme përpara komisionit hetimor të Ibiza-s në parlamentin austriak "në lidhje me korrupsionin e supozuar të qeverisë së tij", tha zyra në një deklaratë.

Duke komentuar para se të shpallej aktakuza, Kurz mohoi akuzat, duke thënë në platformën e mediave sociale X: “Ne presim që e vërteta të dalë në dritë dhe akuzat të rezultojnë të pabaza”.

Gjyqi i tij do të fillojë më 18 tetor dhe nëse shpallet fajtor, Kurz - ish-lider i Partisë Popullore konservatore - mund të përballet me deri në tri vjet burg, tha një gjykatë në Vjenë në një deklaratë.

Çështja përqendrohet në pyetjen nëse Kurz u përgjigj me të vërtetë në seancat dëgjimore të komisioneve parlamentare në vitin 2020 dhe 2021 kur u pyet për emërimet në kompaninë shtetërore OBAG.

Kurz u largua nga detyra në vitin 2021 pasi prokurorët e vendosën atë dhe nëntë të tjerë nën hetim me dyshimin për shkelje të besimit, korrupsion dhe ryshfet me nivele të ndryshme përfshirjeje./ CNA

 

Lajmet e fundit nga