web counter
LEXO PA REKLAMA!

SHKARKO APP

App Store
Google Play

E fundit!

x

"Kriminelët të kalben në burg"/ Paralajmërimi i vëllait të Liridona Ademajt pas ekzekutimit të së motrës

6 Dhjetor 2023, 12:59, Kosova & Bota CNA
"Kriminelët të kalben në burg"/ Paralajmërimi i
Liridona Ademaj dhe Naim Murseli

Vëllai i të ndjerës, Liridona Ademaj, ka reaguar sërish për vrasjen e 30-vjeçares, ngjarje që u planifikua nga burri i saj, Naim Murseli. 

Në postimin e tij në "Facebook", Leonard Ademaj, ka paralajmëruar se tashmë do të nisë fushata e familjes për të kërkuar llogari për vrasjen e motrës së tij. Ai thekson se asnjë grua nuk duhet të vritet dhe se kriminelët duhet të kalben në burg.  

"Nuk kemi fjalë të shprehim mirënjohjen tonë për të gjitha organizimet për të nderuar Liridonen dhe për të kërkuar drejtësi për të gjitha gratë dhe vajzat e vrara. Ditët po na bëhen edhe më të vështira dhe mezi po kalojnë e dhimbja po rritet por organizimet në shumë qytete në Kosovë dhe në Shqipëri po na japin forcë që të mos dorëzohemi.Sonte bashkë me nanen po i përcjellim lajmet dhe marshin në Prishtinë dhe ndonëse shumë e pikëlluar, nana vazhdimisht po thotë faleminderit prej tyre që po e bëjnë këtë për Donen time. Kampanja jonë për drejtësi fillon tash, bashkë me juve aktiviste, organizata joqeveritare dhe me mbështetjen e mediave. Ne duam drejtësi të shpejtë dhe profesionale, pa vonesa dhe pa gabime. Kriminelët duhet të kalben në burg. Asnjë grua tjetër nuk duhet të vritet. Ne besojmë në institucionet e shtetit dhe presim që të ndajnë drejtësi", shprehet Leonard Ademaj. 

Naim Murseli është arrestuar nga policia dhe ka dhënë dëshmi kontradiktore. Në qeli ndodhen autori Granit Plava dhe punonjësi i Forcave të Sigurisë së Kosovës Kushtrim Kokalla. Dyshohet se Murseli planifikoi vrasjen e gruas së tij për të përfituar nga një siguracion i majmë në Suedi./CNA

 





Lajmet e fundit nga