web counter
LEXO PA REKLAMA!

SHKARKO APP

App Store
Google Play

E fundit!

x

Sulmi në Ibër-Lepenc/ Shefi i diplomacisë britanike: Kishte për qëllim ndërprerjen e jetëve në mbarë Kosovën

1 Dhjetor 2024, 15:55, Kosova & Bota CNA
Sulmi në Ibër-Lepenc/ Shefi i diplomacisë britanike: Kishte
Ministri britanik për Evropën, Stephen Doughty

Ministri britanik për Evropën, Stephen Doughty, ka reaguar për sulmin terrorist që ndodhi në veri të Kosovës, të cilin e cilësoi si ngjarje e tmerrshme.

Gjatë një postimi në rrjetin “X” ministri britanik tha se ky sulm pasur për qëllim ndërprerjen e jetëve në mbarë Kosovën.

Ministri britanik theksoi se duhet të ketë një hetim të plotë dhe urgjent dhe se autorët duhet të mbajnë përgjegjësi.

“Sulmi i tmerrshëm në ujësjellësin Ibër-Lepencit kishte për qëllim ndërprerjen e jetëve në mbarë Kosovën. Përpjekjet e suksesshme të punonjësve për të frenuar dëmet kanë rivendosur infrastrukturën jetike. Duhet të ketë një hetim të plotë urgjent. Ata që janë përgjegjës duhet të mbajnë përgjegjësi”, ka shkruar Doughty.

Shpërthimi në Ibër-Lepenc ndodhi mbrëmjen e së premtes ku dyshohet se janë përdorur 15 kg eksploziv për të dëmtuar këtë nyje të rëndësishme të infrastrukturës që furnizon me ujë të pijshëm Kosovën.

Policia e Kosovës mbrëmjesh e djeshme në një konferencë të jashtëzakonshme për mediat njoftoi se eksplozivi i përdorur është shumë i rrallë të gjendet dhe është i prodhimit serb.

Nga ky sulm u arrestuan tetë persona dhe u sekuestrua arsenal armësh dhe eksploziv./CNA

 





Lajmet e fundit nga