web counter
LEXO PA REKLAMA!

SHKARKO APP

App Store
Google Play

Hiqet bllokada në Jarinjë/ Të bllokuara dy pika të tjera kufitare, reagimet nga politika në Kosovë

7 Shtator 2024, 10:01, Kosova & Bota CNA
Hiqet bllokada në Jarinjë/ Të bllokuara dy pika të tjera
Foto ilustruese



Pikat kufitare në Merdarë dhe Bërnjak janë mbyllur nga protestuesit serbë, ndërsa në pikën kuftare të Jarinjës është hequr bllokada për qytetarët me dokumente të Kosovës, dhe tani qarkullimi vijon pa probleme.

Kështu konfirmoi zëvendësdrejtori i policisë për rajonin e veriut, Veton Elshani.

“Situata është e qetë, nuk ka pasur ndonjë incident”, tha Elshani për Klankosova.tv.

Serbët po protestojnë mëtanë kufijve të Kosovës, dhe kërkojnë që Policia e Kosovës të tërhiqet nga veriu, e KFOR-i ta marr në mbikëqyrje.

Në lidhje me këtë situatë nuk ka munguar edhe një reagim nga ministrja e Jashtme, Donika Gërvalla, e cila u ka bërë thirrje ndërkombëtarëve që të mos përshkallëzohet situata.

“Ne i bëjmë thirrje urgjentisht ShBA-së, Turqisë, Gjermanisë, Francës dhe NATO-s që të ndërhyjnë për të parandaluar Vuçiç-in nga përshkallëzimi i mëtejshëm i situatës”, është shprehur Gërvalla.

Edhe ministri i Brendshëm, Xhelal Sveçla ka reaguar pas ndodhive të fundit në veri.

“Pas paralajmërimit të grupeve ekstremiste serbe për protesta sot pas orës 18:00, janë vërejtur grupe ekstremistësh të maskuar të cilët në prani të policisë së Serbisë, brenda territorit të Serbisë, kanë ndaluar veturat dhe legjitimuar udhëtarët. Para pak çastesh, një familjes e cila po udhëtonte për në Gjermani, i është pamundësuar vazhdimi i udhëtimit dhe është kthyer prapa me forcë. Kjo po ndodhë para syve të policisë së Serbisë, fakt ky që e bën atë bashkë fajtore. Këto akte fashiste ku serbët lejohen pavarësisht dokumentacioneve që posedojnë kurse shqiptarët pengohen pavarësisht dokumentacioneve që posedojnë, janë absolutisht të papranueshme për ne”, u shpreh Sveçla.

Ndërkaq, kryeministri Albin Kurti ka zgjedhur të mos komentoj lidhur me këto bllokada./CNA 





Lajmet e fundit nga