web counter
LEXO PA REKLAMA!

SHKARKO APP

App Store
Google Play

E fundit!

x

Gjysma e popullsisë së Uruguajit, pa ujë të pijshëm

15 Korrik 2023, 14:16, Kosova & Bota CNA

Gjysma e popullsisë së Uruguajit, pa ujë të pijshëm

Thatësira që ka pushtuar Uruguajin prej tri vitesh dhe përzieria e ujërave të kripura me të ëmbla ka lënë pa ujë të pijshëm gjysmën e popullsisë së vendit.

Ekspertët thonë se situata mund të vazhdojë kështu për muaj të tërë.

Disa e kishin parashikuar krizën vite më parë kur vunë në dukje cënueshmërinë e rezervuarit të vetëm që furnizon me ujë zonën metropolitane rreth kryeqytetit, Montevideo.

Edhe pse Uruguaji është një vend me të ardhura të larta dhe historikisht ka pretenduar se ka burime të bollshme ujore, ekspertët paralajmëruan për pakësimin e furnizimeve.

Tre vitet e thatësirës pothuajse e kanë zbrazur rezervuarin nga uji i ëmbël dhe për të shmangur mungesat, furnizuesi shtetëror i ujit, OSE, që nga fillimi i vitit ka shtuar gradualisht ujë të kripur nga grykëderdhja e Rio de la Plata.

Në fillim të majit, përzierja kishte arritur nivelet maksimale të natriumit dhe klorureve të rekomanduara nga Organizata Botërore e Shëndetësisë (OBSH). Tani Uruguaji ka dyfishin e këtyre niveleve, duke i dhënë ujit një shije të keqe dhe duke ngritur pikëpyetje në lidhje me efektet e mundshme në shëndet.

Autoritetet thonë se kimikatet ndikojnë vetëm në shijen dhe aromën e ujit dhe nuk paraqesin domosdoshmërisht rrezik për shëndetin e shumicës së njerëzve.

Disa grupe vulnerabël si foshnjat, gratë shtatzëna dhe njerëzit me kushte shëndetësore janë paralajmëruar të mos pijnë ujin, pasi ka pasur pretendime kontradiktore për sigurinë e tij në popullatën e gjerë./ CNA.al





Lajmet e fundit nga