web counter
LEXO PA REKLAMA!

SHKARKO APP

App Store
Google Play

Gjermania paralajmëron qytetarët e saj: Shmangni udhëtimet për në Venezuelë

25 Nëntor 2025, 07:54, Kosova & Bota CNA

Gjermania paralajmëron qytetarët e saj: Shmangni udhëtimet

Ministria e Jashtme në Gjermani ka këshilluar qytetarët e saj të mos udhëtojnë për në Venezuelë, pas përkeqësimit të situatës së sigurisë në Karaibe dhe një paralajmërimi të kohëve të fundit nga Autoriteti i Aviacionit Civil të SHBA-së.

Situata në vendin e Amerikës së Jugut është e tensionuar dhe mund të përkeqësohet më tej papritur, sipas njoftimit të dhënë dje në kryeqytetin gjerman. Berlini thotë se Venezuela drejtohet nga një regjim autoritar dhe paralajmëron se përveç bllokimeve të rrugëve dhe kontrolleve policore, kufizimet në rrjetet e telefonisë celulare dhe aksesin në internet janë të mundshme.

Kujtojmë se shtria amerikane po grumbullon një prani të madhe të fuqisë së zjarrit në Karaibe dhe që nga shtatori, rreth njëzet sulme kanë shkatërruar anije që Uashingtoni thotë se transportonin drogë.

Një ditë më parë, qeveria amerikane shtoi në listën e zezë të organizatave të huaja terroriste "Cartel de los Soles" (Karteli i Diejve), për të cilin thotë se drejtohet nga Presidenti i Venezuelës, Nicolas Maduro. Kjo organizatë, ekzistenca e së cilës është e diskutueshme, përfshin, sipas administratës Trump, oficerë të forcave të armatosura dhe zyrtarë qeveritarë venezuelas.

Uashingtoni thotë se vendosja e forcave në Karaibe dhe Paqësor është pjesë e një operacioni kundër trafikut të drogës. Ministri i Jashtëm i Venezuelës, Yvan Gil dje mohoi pretendimin e Uashingtonit në lidhje me "Kartelin e Diejve" tha se SHBA po kërkon një pretekst për të imponuar ndryshim regjimi në vend dhe të marrin kontrollin e naftës së saj. /CNA





Lajmet e fundit nga