web counter
LEXO PA REKLAMA!

SHKARKO APP

App Store
Google Play

Erdogan telefonon presidentin Putin/ Diskutohet propozimi i SHBA-së për luftën në Ukrainë

24 Nëntor 2025, 17:15, Kosova & Bota CNA

Erdogan telefonon presidentin Putin/ Diskutohet propozimi i SHBA-së

Presidenti turk Recep Tayyip Erdogan zhvilloi këtë të hënë një telefonatë me homologun e tij rus, Vladimir Putin. Siç bëhet me dije nga mediat e huaja, telefonata mes dy liderëve u përqendrua në marrëdhëniet dypalëshe, si dhe në konfliktin Rusi-Ukrainë.

“Presidenti tha se Turqia, ashtu siç bëri në të kaluarën, ishte e gatshme të kontribuonte në çdo iniciativë dhe plan diplomatik që do të hapte rrugën për paqe të përhershme në rajonin tonë, për të drejtuar negociatat midis (Rusisë dhe Ukrainës)”,-thuhet përmes një njoftimi nga Drejtoria e Komunikimit e Presidencës Turke.

Në një deklaratë, Kremlini tha se Putin dhe Erdogan diskutuan një propozim të SHBA-së për t'i dhënë fund luftës në Ukrainë.

"Vladimir Putin vuri në dukje se këto propozime, në versionin në të cilin i kemi shqyrtuar, janë në përputhje me diskutimet në samitin ruso-amerikan në Alaska dhe, në parim, mund të përdoren si bazë për një zgjidhje përfundimtare paqësore", tha Kremlini, duke iu referuar një takimi në gusht midis Putinit dhe Presidentit të SHBA-së Donald Trump. "Interesi i palës ruse për një zgjidhje politike dhe diplomatike të krizës ukrainase u riafirmua”,-theksohet në deklaratë.

Këtë të hënë, SHBA-të dhe Ukraina vazhduan bisedimet në Gjenevë të Zvicrës, për të hartuar një plan paqeje të pranueshëm nga të dyja palët, të përbërë nga 28 pika./CNA

 





Lajmet e fundit nga