web counter
LEXO PA REKLAMA!

SHKARKO APP

App Store
Google Play

Gjermani, krime të motivuara politikisht ndaj refugjatëve

5 Shkurt 2025, 14:17, Kosova & Bota CNA

Gjermani, krime të motivuara politikisht ndaj refugjatëve

Sipas të dhënave të qeverisë gjermane në vitin 2024 u shënua një rritje e numrit të krimeve të motivuara politikisht kundër strehimoreve të refugjatëve krahasuar me vitin 2023.

Krahasuar me një vit më parë, në vitin 2024 në Gjermani u shënua një rritje e konsiderueshme e numrit të sulmeve me motivim politik ndaj strehimoreve të refugjatëve ose personave që jetojnë në qendra për azilkërkuesit.

Sipas të dhënave të publikuara nga Ministria e Brendshme gjermane me kërkesë të Partisë E Majta, në vitin 2023 kishte pasur 167 sulme me motivim politik ndaj banesave të refugjatëve. Kurse në vitin 2024 kjo shifër u rrit në 218.

28 nga sulmet e kryera në vitin 2024 u klasifikuan si vepra të dhunshme. Të dhënat e ministrisë tregojnë se prej sulmeve u plagosën 14 veta, mes tyre një fëmijë.

Problem shqetësues për vite me radhë

Nga ana tjetër numri i krimeve të motivuara politikisht kundër refugjatëve që nuk jetojnë në strehimore ka qenë në vitin 2024 më i ulët se në vitin 2023. Deri në fund të vitit 2024 autoritetet regjistruan 1,905 krime, ndër to 237 krime të dhunshme, ndaj refugjatëve. Në vitin 2023 kjo shifër ishte 2,450. "Numri i fyerjeve, kërcënimeve dhe sulmeve ndaj refugjatëve kanë qenë shqetësuese për vite me radhë,” tha në Bundestag zëdhënësja për politikën ndaj refugjatëve e Partisë E Majta, Klara Bynger. Është skandaloze që kjo situatë po tolerohet nga një pjesë e madhe e politikës dhe publikut, të cilët e pranojnë këtë gjë duke ngritur supet./ DW





Lajmet e fundit nga