web counter
LEXO PA REKLAMA!

SHKARKO APP

App Store
Google Play

Trump firmos urdhrin/ SHBA largohet nga Këshilli i OKB-së, ndalon financimet për UNRWA-n dhe UNESCO-n

5 Shkurt 2025, 08:22, Kosova & Bota CNA

Trump firmos urdhrin/ SHBA largohet nga Këshilli i OKB-së, ndalon

Presidenti i SHBA-së, Donald J. Trump, ka nënshkruar një Urdhër Ekzekutiv për tërheqjen e Shteteve të Bashkuara nga Këshilli i OKB-së për të Drejtat e Njeriut.

Po ashtu ka firmosur urdhrin për ndalimin e të gjitha financimeve të mëtejshme si për Agjencinë e Kombeve të Bashkuara për Ndihmën dhe Punët (UNRWA) ashtu edhe për Organizatën e Kombeve të Bashkuara për Arsimin, Shkencën dhe Kulturën (UNESCO).

Urdhri Ekzekutiv kërkon gjithashtu një rishikim të plotë të çdo financimi shtesë të ofruar për Kombet e Bashkuara.

"Ka një potencial të madh dhe bazuar në potencialin, ne do të vazhdojmë angazhimin tonë, por ata duhet të bashkohen", tha Presidenti Trump për gazetarët. “Nuk është duke u udhëhequr mirë. Ata nuk po e bëjnë punën”.

"Shumë nga këto konflikte për të cilat po punojmë duhet të zgjidhen, ose të paktën ne duhet të kemi një ndihmë për zgjidhjen e tyre. Duket se ne kurrë nuk marrim ndihmë. Ky duhet të jetë qëllimi parësor i Kombeve të Bashkuara", tha presidenti amerikan.

“Që nga dita e parë, mbështetja e Shteteve të Bashkuara për OKB-në ka shpëtuar shumë njerëz dhe ka avancuar sigurinë globale”, tha zëdhënësi i OKB-së, Stephane Dujarric.

“Sekretari i Përgjithshëm i OKB-së mezi pret të vazhdojë marrëdhëniet e tij produktive me Presidentin Trump dhe qeverinë amerikane për të forcuar këtë marrëdhënie në botën e sotme të trazuar”./ CNA





Lajmet e fundit nga