web counter
LEXO PA REKLAMA!

SHKARKO APP

App Store
Google Play

Çështja e Groenlandës/ Pekini: SHBA-ja të mos e përdorë të ashtuquajturin "kërcënim nga Kina" si pretekst për interesat e tyre

19 Janar 2026, 14:43, Kosova & Bota CNA

 Çështja e Groenlandës/ Pekini: SHBA-ja të mos e

Zëdhënësi i Ministrisë së Jashtme kineze, Guo Jiakun, ka reaguar lidhur me kërcënimet e SHBA-së për aneksimin e Groenlandës. Ai është shprehur se Kina e ka sqaruar vazhdimisht qëndrimin e saj mbi çështjen e Groenlandës në shumë raste.

"Ne i bëjmë thirrje SHBA-së të ndalojë përdorimin e të ashtuquajturit 'kërcënim nga Kina' si pretekst për të ndjekur interesat e veta egoiste. Kina e ka sqaruar vazhdimisht qëndrimin e saj mbi çështjen e Groenlandës në shumë raste. E drejta ndërkombëtare, bazuar në qëllimet dhe parimet e Kartës së Kombeve të Bashkuara, është themeli i rendit aktual ndërkombëtar dhe duhet të mbrohet", theksoi Jiakun në një konferencë për shtyp.

Presidenti i SHBA-së, Donald Trump, njoftoi të shtunën se Uashingtoni do të vendosë tarifa prej 10% për mallrat nga tetë vende europiane, përfshirë Danimarkën, Norvegjinë, Suedinë, Francën, Gjermaninë, Mbretërinë e Bashkuar, Holandën dhe Finlandën, duke filluar nga 1 shkurti, duke u rritur në 25% në qershor. Ai tha se këto tarifa do të jenë në fuqi derisa të arrihet një marrëveshje për blerjen e Groenlandës nga Shtetet e Bashkuara të Amerikës.

Pas njoftimit, tetë vendet europiane lëshuan një deklaratë të përbashkët të dielën, duke dënuar kërcënimin e SHBA-së dhe duke riafirmuar angazhimin e tyre për sigurinë e Arktikut. /CNA





Lajmet e fundit nga