LEXO PA REKLAMA!

SHKARKO APP

Emigrantët protestojnë në Qipro/ Përplasje me vendasit, policia arreston 21 persona

29 Gusht 2023, 10:16, Kosova & Bota CNA

Emigrantët protestojnë në Qipro/ Përplasje me vendasit,

Policia qipriote ka arrestuar 21 persona pas përplasjeve mes emigrantëve dhe vendasve në perëndim të ishullit, ku po qëndrojnë shumë azilkërkues.

Policia tha se emigrantët dhe banorët vendas ishin në mesin e të arrestuarve pas një nate të dytë trazirash në fshatin Chlorakas, rreth 155 kilometra në perëndim të kryeqytetit Nikosia, raporton "Reuters".

Incidentet e së hënës mbrëma erdhën pasi emigrantët protestuan në mënyrë paqësore të dielën pasi persona me kapuça dëmtuan pronat dhe automjetet e të huajve.

Tensionet u rritën pasi protesta u përshkallëzua dhe policisë iu desh të ndante protestuesit nga vendasit duke përdorur gaz lotsjellës dhe ujë.

Nga kjo ndërhyrje ka mbetur i plagosur një efektiv policie nga shpërthimi i molotovit.

Qipro ka parë një rritje të numrit të emigrantëve të paligjshëm dhe azilkërkuesve në vitet e fundit, megjithëse shkalla e rritjes është ngadalësuar këtë vit.

Rreth 20 për qind e komunitetit të emigrantëve në Chlorakas vijnë nga Siria.

Tensionet janë rritur në Chlorakas prej disa vitesh për shkak të numrit të madh të azilkërkuesve që janë vendosur atje.

Trazirave të dielën u parapriu një demonstratë nga 300 persona, të cilët protestuan në rrugën qendrore të Chlorakas, duke bërë thirrje për t'i dhënë fund migrimit të paligjshëm./ CNA

Lajmet e fundit nga