web counter
LEXO PA REKLAMA!

SHKARKO APP

App Store
Google Play

E fundit!

x

“Eliot Engel, njeri i madh”/ Osmani: E përkrahu Kosovën edhe kur shëndeti i tij u përkeqësua

11 Prill 2026, 10:38, Kosova & Bota CNA

“Eliot Engel, njeri i madh”/ Osmani: E përkrahu Kosovën

Ish-presidentja e Kosovës, Vjosa Osmani, ka reaguar për ndarjen nga jeta të kongresmenit amerikan, Eliot Engel.

Në reagimin e saj në rrjetet sociale, Osmani shprehet se Engel ishte një përkrahës i Kosovës dhe zëri i shqiptarët në Kongresin amerikan dhe përtej tij.

Ajo thekson se kongresmeni nuk e ndali përkrahjen për Kosovën edhe kur gjendja e tij shëndetësore u përkeqësua.

Reagimi i plotë:

Një njeri i madh, një njeri i mirë, një mik i rrallë i Kosovës, na la sot!

Kongresisti Eliot Engel ishte shumë më tepër se thjesht një kongresist përkrahës i Kosovës. Ai e donte popullin e Kosovës me gjithë zemër dhe ishte me ne në sfida e në suksese. Kudo që udhëtoja në botë, takoja liderë që më thoshin: “Eliot Engel na ka telefonuar për të na kërkuar njohjen e Kosovës”, si dhe të tjerë që thonin: “E kam firmosur njohjen e Kosovës sepse ia premtova Eliot Engel-it.”

Këdo që takoja në Kongres, thoshte: “Ju keni pasur një mik të madh këtu, që gjithmonë fliste për Kosovën.” Ai nuk e ndali kurrë këtë ndihmë dhe këtë përkrahje, edhe kur gjendja e tij shëndetësore u përkeqësua.

Në fakt, ai ishte zëri ynë në Kongresin amerikan dhe përtej tij. Prandaj, kujtimi i tij do të jetë i përhershëm në zemrat e të gjithë qytetarëve të Kosovës!

Faleminderit, Eliot Engel! Zoti e bekoftë shpirtin tënd të bardhë. /CNA





Lajmet e fundit nga