web counter
LEXO PA REKLAMA!

SHKARKO APP

App Store
Google Play

Bilanc tragjik nga shpërthimi në Bolonja/ Shkon në 5 numri i jetëve të humbura

11 Prill 2024, 15:48, Kosova & Bota CNA
Bilanc tragjik nga shpërthimi në Bolonja/ Shkon në 5 numri i
Shpërthimi ne hidrocentralin ENEL ne Bolonja

Zhytësit kanë identifikuar trupat e dy prej katër të zhdukurve në tragjedinë e Suvianës në Bolonja të Italisë. Ngjarja e rëndë ndodhi në hidrocentralin Enel.

Kështu, numri i jetëve të humbura ka shkuar në pesë. Ekipet e shpëtimit raportuan skenarë të dhimbshëm.

"Një nga ndërhyrjet më të vështira që jam thirrur për të menaxhuar në karrierën time", tha Giuseppe Petrone, menaxher kombëtar i shërbimit të zhytjes të brigadës së zjarrfikësve dhe që koordinon të gjitha ekipet e shpëtimit. 

“Njerëzit vazhdojnë të jenë nën ujë dhe në errësirë. Pashë mure 1.8 metra të trasha të thyera sikur të ishin mure prej gipsi. Shpërthimi duhet të ketë qenë i tmerrshëm", shtoi komandanti i zhytësve të Gdf të Rimini, Giovanni Cirmi.

“Polumbarët identifikuan edhe trupin e personit të dytë të zhdukur në katin e nëntë të nëntokës. Ky është personi I pestë që ka humbur jetën në këtë tragjedi.” Këtë e ka konfirmuar shefi i zjarrfikësve Carlo D'Alloppio./ CNA

 





Lajmet e fundit nga