web counter
LEXO PA REKLAMA!

SHKARKO APP

App Store
Google Play

E fundit!

x

Biden shpjegon pse u largua nga gara presidenciale

11 Gusht 2024, 22:07, Kosova & Bota CNA
Biden shpjegon pse u largua nga gara presidenciale
Joe Biden

Presidenti i SHBA, Joe Biden ka zbuluar pse hoqi dorë nga kandidimi i tij në zgjedhjet presidenciale.

Biden është shprehur gjatë një interviste se kishte frikë se beteja brendapartiake për kandidaturën e tij do të ishte një shpërqendrim i vërtetë për demokratët dhe se prioriteti i tij ishte të mposhtte Donald Trump në nëntor.

Në intervistën e tij të parë që nga largimi nga gara, Biden tha se nuk kishte asnjë problem serioz me shëndetin e tij. Ai foli për performancën e tij të dobët në debat duke thënë se ishte i sëmurë në atë kohë dhe hoqi shqetësimet për moshën dhe shëndetin mendor të tij.

Presidenti amerikan u zotua të bëjë fushatë për Kamala Harris duke thënë se ai do të bëjë gjithçka për të ndihmuar zëvendëspresidenten.

"Ne duhet të mposhtim Trump,"  tha ai për CBS Neës. Biden tha se nëse ai do të kishte vazhduar fushatën e tij, gara presidenciale do të kishte shkuar "në tela".

"Një numër i kolegëve të mi demokratë në Dhomën e Përfaqësuesve dhe Senatit menduan se unë do t'i prekja ata nëse do të garoja," tha ai.

Presidenti ka thënë se synonte të ishte një urë lidhëse për gjeneratën e ardhshme kur ai kandidoi për Shtëpinë e Bardhë në vitin 2020./ CNA





Lajmet e fundit nga