web counter
LEXO PA REKLAMA!

SHKARKO APP

App Store
Google Play

E fundit!

x

Aktivistët e klimës në Gjermani nën prangat e policisë, 7 të rinj akuzohen për grup kriminal

24 Maj 2023, 20:41, Kosova & Bota CNA

Aktivistët e klimës në Gjermani nën prangat e policisë,

Në sajë të në të një hetimi ndaj aktivistëve të klimës, policia gjermane ka kryer një sërë kontrollesh në 7 lande të vendit. Ky grupim i quajtur “Gjenerata e Fundit” dyshohet se ka formuar një grup kriminal me aktivitetet e tyre.

Aktivistët e grupit “Gjenerata e Fundit” për një kohë të gjatë kanë bllokuar trafikun në qytetet gjermane dhe kanë gjuatur me patate ndaj veprave të artit.

Kancelari Olaf Scholz është treguar i ashpër ndaj këtij grupimi, duke e cilësuar veprimtarinë e tyre “tërësisht të çmendur”.

Për disa jav3 radhazi në Gjermani është zhvilluar një debat i fortë nëse grupimi “Gjenerata e Fundit” duhet të konsiderohet nga ligji si organizatë kriminale.

Ligjvënësit konservatorë kanë kërkuar ndëshkime më të ashpra për aktivistët, duke shprehur si të duhurën masën e dënimit me burg, ndërsa ata të krahut të majtë kanë paralajmëruar për një rritje të autoritarizmit.

Në aksionet policore të së mërkurës morën pjesë 170 agjentë, të cilët bastisën apartamente dhe godina të tjera në Berlin, Mynih, Dresden, Hamburg dhe lokalitete të tjera. Aksionet u shoqëruan me mbylljen e faqes së internetit të grupit dhe me ngrirjen e dy llogarive bankare.

Ndaj shtatë të dyshuarve ngrihet akuza për organizimin e një fushate me qëllim mbledhjen e 1.4 milionë eurove për të financuar “aktivitete të tjera kriminale”.

Dy nga aktivistët që po hetohen dyshohen se vitin e kaluar janë përpjekur të sabotojnë infrastrukturën e një naftësjellësi që kalon në Alpe, nga qyteti italian i Triestes për në Ingolshtad./ CNA.al





Lajmet e fundit nga