web counter
LEXO PA REKLAMA!

SHKARKO APP

App Store
Google Play

E fundit!

x

Vrasje me armë zjarri në Kosovë

21 Mars 2026, 19:02, Kosova & Bota CNA

Vrasje me armë zjarri në Kosovë

Një ngjarje e rëndë ka ndodhur ditën e sotme në Klinë të Kosovës. Një person ka qëlluar për vdekje me armë zjarri vëllanë e tij, i cili si pasojë ka ndërruar jetë.

Viktima është dërguar me shpejtësi në spitalin e Pejës, por nuk ka mundur t’i mbijetojë plagëve të marra. Sipas policisë, ngjarja ka ndodhur pas një debati mes tyre.

“Rreth orës 15:10 policia është njoftuar se, pas një fjalosjeje mes dy vëllezërve, njëri nga ta e qëlloi tjetrin me armë. Viktima u dërgua në emergjencën e Klinës e më pas u nis drejt Spitalit të Pejës. Pak para se të nisej në drejtim të QKUK-së për trajtim mjekësor, viktima fatkeqësisht ndërroi jetë”, ka deklaruar zëdhënësi i Policisë për rajonin e Pejës, Fadil Gashi për mediat.

Sipas Prokurorisë Themelorë të Pejës dhe Policisë së Kosovës, autori është arrestuar menjëherë në vendin e ngjarjes për veprën penale “Vrasje e rëndë”. Ndërkohë shkaqet e vrasjes ende nuk dihen, ndërsa pritet të zbardhen detaje në vijim.

“Policia e Kosovës në vendin e ngjarjes ka arrestuar personin e dyshuar, i cili me urdhër të Prokurorit të Shtetit është ndaluar për 48 orë i dyshuar për veprën penale “Vrasje e Rëndë”. Në vendin e ngjarjes kanë dalë të gjitha njësitet relevante policore, Prokurori i Shtetit nga Departamenti i Krimeve të Rënda të cilët kanë sekuestruar armën e cila dyshohet  që është përdorur në rast dhe prova të tjera relevante. Me urdhër të Prokurorit të Shtetit, trupi i pajetë i viktimës dërgohet në Institutin e Mjekësisë Ligjore për obduksion. Prokuroria Themelore në Pejë, në koordinim me Hetimet Rajonale të Policisë së Kosovës në Pejë, do t’i ndërmarrin të gjitha veprimet e nevojshme hetimore për ndriçimin e plotë të këtij rasti”, thuhet në njoftimin e Prokurorisë. /CNA





Lajmet e fundit nga