LEXO PA REKLAMA!

SHKARKO APP

Horoskopi, e hënë, 13 mars/ Çfarë kanë rezervuar yjet për secilën shenjë

12 Mars 2023, 23:00, Horoskopi CNA

Horoskopi, e hënë, 13 mars/ Çfarë kanë rezervuar yjet

DASHI

Dita e sotme nuk parashikohet të jetë shumë e qëndrueshme kështu që përgatituni edhe për ndonjë stuhi të papritur. Për ju të dashuruarit nuk do ketë momente të qeta, përkundrazi debatet do shtohen akoma më tepër dhe herë pas here do ndiheni keq. Ju beqarët do pëlqeni një mik, por nuk do ta merrni guximin t'ia shprehin ndjenjat. Nëse vazhdoni kështu keni për ta humbur atë. Në punë duhet të jeni shumë herë më të matur dhe duhet të merrni parasysh ngjarjet që do vijnë. Mos u nxitoni për asnjë moment. Financat do jenë të kënaqshme, kështu që mund të përfitoni nga kjo për të kryer edhe ndonjë shpenzim më tepër nga zakonisht.

DEMI

Mënyra se si ju do silleni gjatë kësaj dite do jetë e shkëlqyer dhe do t'i bëjë të gjithë t’ju adhurojnë. Do ndiheni edhe vetë mjaft të kënaqur. Ju të dashuruarit do jeni bujarë me partnerin tuaj dhe do e lini më të lirë atë. Kujdes sepse ai mund të përfitojë nga kjo dhe t'iu hipë më qafë. Ju beqarët nuk duhet të thurni ëndrra të parealizueshme sepse do ta lëndoni veten më tepër nga sa mund ta keni imagjinuar. Sipas "Horoskopit.vip", në punë ka rrezik të veproni pa u menduar gjatë dhe mund të bëni gabime të pafalshme. Ndryshoni strategji nëse nuk doni të shkatërroni edhe ato që keni ndërtuar. Në planin financiar do fryjë një stuhi e fortë për shkak të gabimeve që keni bërë kohët e fundit.

BINJAKËT

Mundohuni të tregoheni më të vendosur gjatë kësaj dite dhe të mos bëni gabime. Më shumë sesa të dëgjoni të tjerët dëgjoni zërin tuaj të brendshëm. Nëse keni një lidhje do përjetoni edhe momente pozitive edhe negative. Herë pas here do gjendeni edhe në situata delikate dhe nuk do dini çfarë të bëni. Ju beqarët duhet të jeni realistë dhe nuk duhet të kërkoni në asnjë mënyrë gjëra të parealizueshme. Në punë do ju konkretizohen planet që keni bërë. Vërtet jeni munduar për një kohë të gjatë, por do merrni rezultatet e kërkuara. Shpenzimet kryejini me shumë kujdes sepse në të kundërt situata mund t'iu dalë jashtë kontrollit.

GAFORRJA

Do jeni paksa rebelë gjatë kësaj dite, por edhe kjo do ketë lezetin e vet dhe do pëlqehet nga të tjerët. Për ju të dashuruarit do jetë një ditë mjaft e bukur. Do ndiheni mirë në çdo moment të ditës dhe as nuk do stresoheni fare. Nëse jeni beqarë duhet të pranoni të dilni nëpër takime dhe të njiheni me sa më shumë persona. Vetëm në këtë mënyrë do mund ta gjeni të duhurin. Në punë mos ngurroni t’i kërkoni të drejtat tuaja dhe të mbroni interesat. Me argumentet e duhura keni për të dalë fitimtarë. Buxhetin do e keni kujdes dhe për fat të mirë gjendja do mbetet shumë e stabilizuar. Përfitoni për të bërë edhe ndonjë investim.

LUANI

Do jeni shumë striktë gjatë kësaj dite prandaj mund të futeni edhe në debate me të tjerët. Nuk do toleroni për asgjë dhe askënd sepse doni që gjërat të bëhen si duhet. Ju të dashuruarit do keni konflikte të vogla, por që nuk do keni pasoja të rënda. Në mbrëmje çdo gjë do zgjidhet dhe qetësia do mbizotërojë. Ju beqarët do dashuroheni kokë e këmbë me dikë dhe do fiksoheni pas dikujt. Në punë Mërkuri dhe Saturni do ju nxitin të analizoni cdo gjë me shumë kujdes para se të veproni. Po i ndoqët këshillat e tyre keni për të arritur shumë lart. Në planin financiar mos shpenzoni shuma të mëdha sepse keni për t'u gjendur në situata shumë të vështira më pas. Kujdesuni për veten.

VIRGJËRESHA

Në përgjithësi dita e sotme ka për të ecur mirë dhe nuk do ndodheni aspak në situata delikate. Nëse keni një lidhje dialogu do mbizotërojë në çdo moment. Në këtë mënyrë do t'i zgjidhni të gjitha problemet që keni pasur më herët. Ju beqarët do filloni një histori të bukur dashurie me një person që keni kohë që e njihni, por që nuk ndiheshit gati për të hedhur hapa. Në punë do ëndërroni shumë dhe do ju duket sikur çdo gjë do ju realizohet si e mendoni. Në fakt duhet të punoni shumë fort dhe mos e lini asnjë moment pas dore projektin e nisur. Në planin financiar nuk do keni për çfarë të qaheni sepse gjendja do jetë e mirë.

PESHORJA

Kjo ditë do ketë edhe momente të bukura edhe delikate. Për të mos u futur në telashe pa rrugëdalje mundohuni të mos nxitoheni me çdo hap. Ju të dashuruarit do keni disa probleme të vogla të cilat me qetësi dhe largpamësi do mund të zgjidhen. Kokëfortësia do ishte një gabim fatal. Ju beqarët do keni takime fantastike. Përfitoni sa të mundni sepse më vonë nuk i dihet nëse vijnë më mundësi të tilla. Në punë nuk do bëni shumë përpjekje për të arritur sa më lart kështu që mos prisni që të tjerët ta bëjnë këtë gjë për ju. Asgjë në këtë jetë nuk serviret në pjatë të argjendtë. Buxheti do ketë nevojë për një riorganizim tërësor pasi nëse vazhdoni me të njëjtën sjellje si tani do keni tronditje.

AKREPI

Urani do bëhet bashkë me Venusin gjatë kësaj dite dhe do t'ju sigurojë një ditë shumë më të mirë. Do dini ta kontrolloni veten përherë dhe do shmangni tensionin. Nëse keni një lidhje dhe së fundmi jeta juaj ka pasur tronditje, edhe sot vështirësitë do vazhdojnë. Mundohuni të hapni rrugë sa më shumë që të mundeni. Ju beqarët jo vetëm që do takoheni me disa persona, por mund të filloni edhe lidhje mjaft afatgjata. Në punë do dini të ndërmerrni iniciativat e duhura dhe do arrini shumë më shumë nga sa e kishit programuar, ja që me pak më shumë përpjekje arrihen edhe të pamundurat. Buxhetin mbajeni nën kontroll në çdo moment nëse nuk doni të mbeteni shpejt me xhepat bosh. Duhet menduar edhe e ardhmja.

SHIGJETARI

Hëna do ju bëjë sharmantë gjatë kësaj dite, do favorizojë kontaktet dhe dashurinë. Për ju të dashuruarit do jetë një ditë e mbushur me bashkëpunim. Shfrytëzojeni sa më shumë të jetë e mundur sepse jo gjithmonë vijnë momente të tilla. Nëse nuk e bëni keni për t’u penduar më vonë. Ju beqarët do jeni të fshehtë dhe nuk do i tregoni askujt për flirtimet që do keni. Në fakt kështu çdo gjë do ju shijojë më shumë. Në punë do t'i bëni gjërat me shumë kujdes dhe nuk do t'ju dalin aspak probleme. Vazhdoni kështu dhe do përfitoni pafundësisht. Në planin financiar do jeni me shumë fat dhe gjendja do përmirësohet më shpejt nga sa e kishit imagjinuar.

BRICJAPI

Jupiteri do ju bëjë më të shkathët gjatë kësaj dite dhe do dini si të përfitoni nga çdo mundësi që do t'ju jepet. Për ju që keni një lidhje priten çaste interesante dhe aspak të mërzitshme. Do njihni një tjetër anë të karakterit të partnerit tuaj, e cila do ju pëlqejë tej mase. Ju beqarët ka mundësi të jeni të turpshëm dhe nuk do përfitoni nga ftesat që do t'ju bëhen sepse ndiheni mirë edhe ashtu si jeni. Në planin financiar do dini t’i analizoni gjërat me shumë kujdes para se të hidhni hapat përfundimtarë. Do t'i bëni gjërat si duhet dhe askush nuk do ju kundërshtojë dot. Në planin financiar do keni probleme akoma më serioze nëse nuk ndiqni këshillat që do iu japin familjarët dhe miqtë e ngushtë.

UJORI

Shumicën e kohës do jeni të shpërqendruar gjatë kësaj dite dhe nuk do i kuptoni as veprimet që do bëni. Për ju që keni një lidhje do jetë vërtet e vështirë t'i qëndroni besnikë atij që keni në krah sepse disa persona simpatikë dhe të qeshur do t'ju joshin në çdo moment me çdo mënyrë. Ju beqarët duhet të mendoheni disa herë para se të hidhni hapa në mënyrë që të mos lëndoheni. Në punë do jetë më mirë të mendoheni gjatë nëse keni për të filluar një projekt të madh sepse më pas nuk do riktheheni dot pas. Në disa momente do ju mungojë realizmi dhe përqendrimi. Gjendja e financave ka për të qenë shumë herë më e mirë. Do arrini të bëni edhe disa investime më tepër se zakonisht.

PESHQIT

Nëse doni ta shfrytëzoni sa më shumë ditën e sotme duhet patjetër ta lini veten të lirë dhe të udhëhiqeni nga emocionet momentale. Nëse jeni në një lidhje ka mundësi që partneri t'ju çojë në qiell të shtatë dhe do e dashuroni jetën më shumë se kurrë më parë. Ju beqarët do jeni pasivë dhe nuk do t'i shfrytëzoni sa duhet mundësitë që do t'ju jepen për takime. Në fakt jo gjithmonë vijnë mundësi të tilla. Në punë duhet të tregoheni të duruar dhe të kujdesshëm sepse një epror mund t’iu kundërshtojë për disa gjëra. Ruani qetësinë sa më shumë që të mundeni sepse vetëm ashtu do arrini atë që doni. Në planin financiar gjërat do ecin mirë nëse i kryeni me kujdes shpenzimet dhe nëse nuk jepni para hua.

Lajmet e fundit nga