web counter
LEXO PA REKLAMA!

SHKARKO APP

App Store
Google Play

Zidane, trajner i Francës? Merret vendimi për Deschamps

2024-03-27 12:19:00, Sport CNA

Zidane, trajner i Francës? Merret vendimi për Deschamps

Prej kohësh flitet se Zinedin Zidane mund të marrë drejtimin e kombëtares së Francës, por këto zëra i ka hedhur poshtë Presidenti i Federatës Franceze të Futbollit.

Philippe Diallo ka deklaruar se trajneri aktual, Didier Deschamps, do të qëndrojë të paktën deri në vitin 2026, kur e ka edhe kontratën e tij.

Në një intervistë të dhënë së fundmi, Dialo siguroi që pavarësisht performancës së Francës në Kampionatin Evropian të kësaj vere, pozita e Deschamps-it nuk do të ndryshojë.

Deschamps rinovoi kontratën me Federatën Franceze, pas Botërorit të vitit 2022 dhe i kanë mbetur edhe dy vite të tjera.

Zidane thuhet se pret Francën prej kohësh, madje ishte një nga emrat më të përfolur, para rinovimit të Deschamps-it në vitin 2022.

Megjithatë, presidenti Diallo e ka bërë të qartë dhe do të vazhdojë bashkëpunimi me trajnerin, të paktën deri në vitin 2026.

“Zinedine Zidane është një nga ikonat e futbollit francez. Gjëja e parë është të tregosh mirënjohje për gjithçka që i ka dhënë popullit francez. Por, gjëja tjetër është se ne kemi trajnerin më të mirë në futbollin francez deri në vitin 2026. Kjo duhet thënë”, deklaroi Diallo.

Zidane është pa skuadër që nga viti 2021, kur u largua nga drejtimi i Real Madrid, ndërsa Deschamps drejton kombëtaren e Francës nga viti 2012, ku numëron edhe një Botëror të fituar, në vitin 2018 në Rusi.





Lajmet e fundit nga