web counter
LEXO PA REKLAMA!

SHKARKO APP

App Store
Google Play

Federata fal mbrojtësin e Interit: Ka prova që e ka ofenduar, por nuk e ka thënë me zë të lartë

2024-03-26 16:20:21, Sport CNA

Federata fal mbrojtësin e Interit: Ka prova që e ka ofenduar, por nuk

Mbrojtësi i Interit, Francesco Acerbi, nuk do të dënohet për fyerjet raciste ndaj Juan Jesus, në ndeshjen e fundit Inter-Napoli.

Lojtari italian, u shpall i pafajshëm këtë të martë, vendim që do të shkaktojë polemika të mëdha në Itali dhe jo vetëm.

Gjykata Sportive në Federatën Italiane ka vendosur të shpallë të pafajshëm lojtarin për mungesë provash, ose më saktësisht, për mungesë provash “të dukshme” të frazave që akuzohet se ka lëshuar në adresë të Juan Jesus. 

Në tekstin e vendimit saktësohet se është verifikuar “shprehja e disa fjalëve të Acerbit ndaj Juan Jesus, që përputhen me fyerje të cilat veç të tjerave nuk janë bërë më zë të lartë (me tonalitet që nuk është perceptuar nga lojtarë e tjerë në fushë, nga gjyqtarët apo nga zyrtarët)”. Po njëkohësisht bëhej e qartë se nuk vihej në dyshim mirëbesimi i Juan Jezus për akuzat që bënte, thjesht nuk kishte “provën minimale që të sillte sigurinë e plotë”, për të dënuar Acerbin.

Me pak fjalë, mungesa e një audioje të mirëfilltë të ofendimeve të Açerbit, apo dëshmie të një personi të tretë, e bënte lojtarin e Interit të pafajshëm.





Lajmet e fundit nga