VIDEO/ Shqipëria humb miqësoren, triumf minimal i Katarit

2022-11-09 20:23:28, Sport CNA

Ka përfunduar me humbjen minimale 1-0, miqësorja e Shqipërisë ndaj Katarit, e cila u zhvillua pasditen e sotme në qytetin e Marbellas, në Spanjë, por për fat të keq nuk u transmetua në asnjë televizion.

Rezultati i ndeshjes u vendos në pjesën e parë, ku Katari shënoi me një penallti, ndërsa në 45-minutëshin e dytë kuqezinjtë u shfaqën shumë më kërkues, por pa arritur të shënojnë.

Herald Marku provoi dy herë me specialitetin e tij, goditjet e dënimit, ndërsa Turkaj tentoi portën me kokë, por në asnjë rast kuqezinjtë nuk ia dolën të dërgojnë topin në rrjetë.

Vlen të theksohet se edhe gjykimi la për të dëshiruar, pasi nuk u akordua një penallti në favor të kuqezinjve, si dhe u ndal Cara në nëj rast të mirë shënimi, për një pozicion jashtë loje inekzistent, që provokoi edhe reagimin e trajnerit Reja, i ndëshkuar më pas me karton të verdhë.

Në këtë miqësore, pjesa dërrmuese e futbollistëve vinin nga Kategoria Superiore, ndërsa më 16 dhe 19 nëntor Shqipëria do të përballet me Italinë dhe Armeninë në “Air Albania”, aty ku trajneri Reja do të ketë sërish nën urdhrat e tij legjionarët kuqezi.

FT KATAR-SHQIPËRI 1-0

Almoez Ali 38'

KOMENTI LIVE:

Mbyllet sfida!

Sërish pranë barazimit Shqipëria, edhe njëherë është H.Marku që i afrohet golit

62' Shqipëria pranë barazimit, Turkaj pranë golit. Nga ana tjetër kuqezinjtë pretendojnë për penallti teksa pas protestave, trajneri Reja ndëshkohet me karton të verdhë

55' Shqipëria pranë golit të barazimit, H.Marku provon nga distanca por goditja e mesfushorit të Vllaznisë përfundon ngjitur me shtyllën.

54’ Shqipëria më kërkuese në këtë pjesë të dytë, kuqezinjtë sulmojnë në kërkim të barazimit.

53′ Skuka dhe Ismajlgeci futen ne vendin e Cares dhe Hakajt

46′ Nis pjesa e dyte. Sherri, Bitri dhe Herald Marku marrin vendin e Dajsinanit, Jankut dhe Kallakut

Mbyllet pjesa e parë!

38’ Zhbllokohet sfida! Katari kalon në avantazh, Ali shënon nga pika e bardhë e penalltisë.

35′ Karton i verdhe per Stivi Jankun i cili shkakton penallti

33′ Nderhyrje ndaj Hadroj, anesori demtohet por ringrihet perseri

32′ Minuta te mira per Katarin, korne te njepasnjeshme ne zonen e kuqezinjve. Portieri Djasinani largon nje top te goditur me koke

30’ Pas 30 minutave lojë, Katari shfaqet më kërkues, duke bërë dy gjuajtje në portë, ndërsa Shqipëria nuk ka gjuajtur asnjëherë.

28′ Goditja e pare ne porte shkon per Katarin, portieri Dajsinani gjendet ne gadishmeri

22′ Arinaldo Rrapaj humbet nje rast te mire per shenim, goditj ae tij perfundon prane shtylles