web counter
LEXO PA REKLAMA!

SHKARKO APP

App Store
Google Play

VIDEO/ Muriqi vendimtar ndaj Real Madrid, Majorka

2023-02-05 16:54:42, Sport CNA

Real Madrid ka pësuar humbjen e radhës në kampionat përballë Majorkës, duke treguar se nuk po kalon një formë shumë të mirë dhe skuadra e Ançelotit do ta ketë të vështirë të mbrojë titullin e siguruar në sezonin e kaluar. Për të zgjidhur ndeshjen e javës së 20 në La Liga, ka mjaftuar një gol i shënuar në pjesën e parë.

Në goli i cili fillimisht u cilësua i Muriqit, pasi ishte ai i cili goditi me kokë duke çuar topin drejt rrjetës së portës së Lunin. Por më pas pamjet televizive treguan se devijim i fundit ishte i mbrojtësit Naço dhe kështu ky u cilësua si një autogol e jo si një rrjetë e tundur nga “Pirati”.

E megjithatë, kaq i mjaftoi Majorkës për të siguruar tre pikët në një ndeshje ku Asensio humbi penallti në fillimin e pjesës së dytë dhe disa raste të tjera për të barazuar shifrat. Me këtë fitore, Majorka ia del të shkëputet nga zona e ftohtë duke u pozicionuar në mesin e tabelës, ndërsa Reali mund të shohë Barcelonën të shkëputet edhe më shumë se 5 pikët diferencë që ka aktualisht pasi ka luajtur një ndeshje më pak.





Lajmet e fundit nga