web counter
LEXO PA REKLAMA!

SHKARKO APP

App Store
Google Play

VIDEO/ 8 gola dhe 3 kartonë të kuq! Bayern Munich i pamëshirshëm, Kane shënon nga gjysmëfusha e tij

2023-10-28 18:01:00, Sport CNA

VIDEO/ 8 gola dhe 3 kartonë të kuq! Bayern Munich i

Bayern Munich dhuron spektakël ndaj Darmstadt-it në “Allianz Arena”, të cilin e shkatërroi me tetë gola.

Sfida nuk nisi mirë për kampionët e Gjermanisë, pasi Kimmich u ndëshkua me karton të kuq në minutën e 4’ dhe la ekipin e tij me dhjetë lojtarë.

Megjithatë një ndërhyrje e gabuar e Kalus Gjasulës në minutën e 21’ bëri që edhe futbollisti i kombëtares shqiptare të ndëshkohej me karton të kuq, duke bërë që edhe Darmstadt të mbeste më dhjetë lojtarë.

Në minutën e 41’ arbitri Peterson dha një tjetër karton të kuq dhe e bëri ndaj mbrojtësit tjetër të Darmstadt, Maglica-s, me miqtë që kaluan në inferioritet numerik.

Në minutën e 45’ bavarezët gjetën rrugën drejt rrjetës me Sane, por pas verifikimit në VAR ai gol u anulua për pozicion të parregullt.

Në ndryshim nga pjesa e parë që ishte e mbushur me karton të kuq, fraksioni i dytë dhuroi spektakël golash, me ekipin e Tuchel që nuk pati të ndalur.

Seria e golave nisi në minutën e 51’ me Kane që zhbllokoi sfidën, teksa pesë minuta më vonë Sane dyfishoi avantazhin e ekipit të tij.

Musiala shënoi golin e tretë në minutën e 60’ dhe vetëm katër minuta më pas Sane bëri “poker” për bavarezët.

Goli i pestë i Bayern ishte për t’u vendosur në kornizë, me Harry Kane që shënoi nga gjysmë fusha e ekipit të tij në minutën e 69’.

Sulmet nga vendasit vazhduan, ndërsa në minutën e 71’ ishte Muller ai që “shijoi” golin në këtë sfidë. Pesë minuta më pas Musiala shënoi sërish, duke i dhënë ekipit golin e shtatë.

Ky takim u vulos në minutën e 88’ me Harry Kane që realizoi “hat-trick” dhe njëkohësisht i dha skuadrës së tij golin e tetë.

Në fund gjithaçka u mbyll me rezultatin 8-0 dhe pas javës së nëntë të Bundesliga, Bayern kryeson me 23 pikë, teksa Darmstadt renditet në vend të 14-të me shtatë pikë.





Lajmet e fundit nga