web counter
LEXO PA REKLAMA!

SHKARKO APP

App Store
Google Play

U ka kushtuar 228 mijë euro në minutë. Çfarë dështimi me Pogba për Juventusin

2023-03-14 17:38:51, Sport CNA

Pol Pogba po kthehet nga “dhurata e madhe” në “dështimin më të madh” të hisotrisë së Juventusit. Lojtari i kthyer gjatë verës nga Mançester Junajtid për të veshur përsëri fanellën bardhezi, është një “fantazmë” në radhët e Juventusit pasi ka luajtur vetëm 35 minuta në total me skuadrën në këtë sezon.

Dëmtimet e njëpasnjëshme apo edhe problemet disiplinore, me të fundit përjashtmin për shkak të vonesës nga trajneri Alegri, e kanë kthyer atë në një objektiv të kritikave të shumë tifozëve të cilët e shohin si në zhgënjim absolut futbollistin.

Një zhgënjim shumë i kushtueshëm, të cilin Juventusi e paguan 8 milionë euro neto në sezon. plus 2 milionë euro të tjera bonuse. Dhe llogaria thotë se deri tani, për çdo minutë në fushën e lojës, i ka kushtuar Juventusit 228571 euro. Një shifër e jashtëzakonshme për një lojtar i cili do të detyrohet që të qëndrojë të paktën edhe një muaj jashtë fushës si pasojë e dëmtimit më të fundit në një sezon i cili praktikisht nuk filloi kurrë për të.





Lajmet e fundit nga