web counter
LEXO PA REKLAMA!

SHKARKO APP

App Store
Google Play

Takimi me trajnerin Inzaghi, zbulohen kërkesat e drejtuesve të Interit

2023-03-02 17:38:42, Sport CNA

Interi nuk po kalon një moment të mirë, teksa humbja e fundit ndaj Bologna, nuk ka lënë një shije të mirë te drejtuesit e klubit.

Këta të fundit kanë pasur një takim me trajnerin Simone Inzaghi dhe mediat italiane, kanë arritur të zbulojnë disa nga kërkesat ndaj tij.

Sipas drejtuesve, pas një humbje në kampionat si ajo ndaj Bologna, trajneri të paktën, duhet të kishte anuluar ditën e pushimit për lojtarët, si ndëshkim për ta.

Gjithashtu është kërkuar një reagim më i fortë për të shuar tensionet mes lojtarëve.. Përplasjet Lukaku-Barella dhe Dzeko-Onana, të ndodhura në harkun e pak ditëve, kanë kaluar të dyja pa ndëshkime. Kjo nuk u ka pëlqyer aspak drejtuesve.

Drejtuesve gjithashtu nuk i ka pëlqyer edhe fakti, që Inzaghi përdor vetëm një numër të vogël lojtarësh dhe nuk i jep mundësinë lojtarëve të ndryshëm, ku një ndër ta është edhe Asllani.

Kërkesa e tretë dhe e fundit ka qenë ajo për një plan B. Interi i Inzaghit zbret gjithmonë me të njëjtën skemë dhe të njëjtat ide loje. Kjo e ka bërë skuadrën të lexueshme dhe trajneri nuk ka asnjë plan B për të ndryshuar.





Lajmet e fundit nga