web counter
LEXO PA REKLAMA!

SHKARKO APP

App Store
Google Play

Situatë e vështirë te Tirana, “kriset” marrëdhënia mes Shehit dhe Halilit

2023-10-04 10:26:39, Sport CNA

Tirana e nisi këtë sezon me shumë ndryshime në skuadër, teksa bëri afrime të rëndësishme në merkaton e verës. Kur janë luajtur vetëm 7 javë kampionat, bardheblutë kanë arritur të grumbullojnë 10 pikë në 6 ndeshje, ndërsa kanë për të luajtur edhe derbin me Partizanin, takim i shtyrë për më 19 tetor.

Paraqitjet e kryeqytetasve nuk kanë qenë në nivelin e kërkuar, me skuadrën që ka lënë shumë për të dëshiruar në fushën e lojës. Diçka e tillë ka nisur të “krisë” marrëdhënien mes Orges Shehit dhe Refik Halilit.

Sipas shtypit të shkruar bëhet me dije se dyshja ka nisur “krisjen” që me largimin e Albano Aleksit. Largimi i mesfushorit ndodhi pa dëshirën e Shehit, me ketë të fundit që kërkonte ta mbante në ekip. Më pas gjithçka ka vazhduar me sfidën e Durrësit, ku Tirana barazoi 2-2 me Teutën dhe Shehi e Halili ndanë ide të ndryshme për interpretimin e ndeshjes.

Pas kësaj sfide djemtë e Shehit morën 2 fitore radhazi dhe u duk sikur gjetën “çelësin” e fitoreve, por jo. Në dy përballjet e fundit kanë dy humbje, gjë që është reflektuar edhe në tabelën e klasifikimit. Tashmë bardheblutë janë në vendin e 4-t në klasifikim dhe kjo ka “trazuar” ujërat në kampin e kryeqytetasve. Gjërat shkuan si shkuan dhe tashmë situata nuk duket shumë pozitive te Tirana.





Lajmet e fundit nga