E fundit!

07:31 SOCIAL ISSUES

Temperatures are rising/ Today's weather

This Saturday will be characterized by mostly clear weathe...

“Konte ishte ndër të paktët që më telefonoi”, Pioli: E kemi ëndërr të fitojmë Championsin

2023-02-13 18:13:12, Sport CNA

Stefano Pioli, trajneri i Milanit, ka dalë para mediave për të folur për sfidën që kuqezinjtë luajnë nesër në Ligën e Kampioneve ndaj Totenhem. Milani luan një përballje shumë të veçantë ndaj ekipit të Antonio Kontes dhe Pioli është i ndërgjegjshëm që nuk do të jetë e lehtë, edhe pse ka besim te forca e ekipit të tij.

“Nëse dëshirojmë të mendojmë që të fitojmë, nevojiten nivele të larta intensiteti dhe cilësie teknike. Jemi përgatitur për këtë.

Konte? Është një sfidë e vështirë, e pashmangshme të jetë kështu në një fazë me eliminim. Konte është një trajner i madh dhe një nga të paktët kolegë që më kanë telefonuar për të më uruar për titullin. Më kënaqi shumë ky fakt.

Benaser është stërvitur me ne dhe nuk është në 100% ndaj nuk mund ta rrezikojmë, nuk do të jetë.

Ndryshimi me futbollin anglez? Në aspektin ekonomik nuk ka krahasim. Pastaj mund të flasim për kulturën, apo shumë aspekte të tjera, por ky nuk është momenti.

Pa rregullin e golit jashtë fushe, e di se po pësove gol në shtëpi nuk bëhet i paarritshëm kalimi i turit. Unë kam përgatitur skuadrën për të gjithë detajet, pasi ato bëjnë diferencën.

Janë 5 trajnerë italianë në 16-she? Ançeloti është një figurë përfaqësuese, por është edhe Konte, Spaleti. Janë shumë trajnerë të aftë, kemi një shkollë të mirë dhe karakteristika të rëndësishme.

Milani duhet të luajë mirë, të mundohet të jetë gjithmonë i rrezikshëm dhe të komandojë ndeshjen. Do të ketë përballë një treshe sulmi të nivelit të lartë dhe faza mbrojtëse duhet të jetë kompakte. Totenhem u mund nga Leisteri? Një javë më parë mposhtën Sitin, por nuk është se mbërrijmë në këtë ndeshje më mirë ne dhe më keq ata. Do të jetë një ndeshje e madhe që duhet të luajmë mirë. Mendojmë se jemi në lartësinë e Totenhemit. Të fitojmë Ligën e Kampioneve është një ëndërr, por është e kotë që të mendojmë tani për të”, tha Pioli para gazetarëve.