web counter
LEXO PA REKLAMA!

SHKARKO APP

App Store
Google Play

Hyrja falas/ Shqipëria U21, gati për ndeshjen vendimtare me Zvicrën

2024-03-25 11:44:00, Sport CNA

Hyrja falas/ Shqipëria U21, gati për ndeshjen vendimtare me

Pas barazimit pa gola me Finlandën, Shqipëria U21, do të luajë këtë të martë, një ndeshje vendimtare për kualifikueset e Europianit, ndaj Zvicrës.

Kuqezinjtë e Alban Bushit, do të kërkojnë me çdo kusht fitoren, për të shpresuar ende te një kualifikim në Euro 2025.

Përballë do të jenë kryesuesit e grupit dhe për këtë arsye, sfida merr rëndësi të veçantë. Shqipëria mban vendin e tretë me 10 pikë, vetëm 1 pikë më pak se helvetët dhe një fitore, do na dërgonte në vendin e parë.

Kuqezinjtë nuk janë përballur ende me bashkëmoshatarët e Zvicrës në këto kualifikuese, por trajneri Bushi dhe lojtarët e tij e dinë se përballë do të kenë një kundërshtar të vështirë.

Sa i përket përgatitjeve, i vetmi lojtar në dyshim, është mbrojtësi i djathtë, Geralb Smajli, i cili ka pësuar një dëmtim të lehtë dhe prania e tij në fushë nuk është e sigurt.

Do të jetë një sfidë e luftuar në stadiumin “Air Albania”, aty ku Shqiperia U21, pritet të ketë edhe një mbështetje të madhe.

Federata Shqiptare, ka vendosur të hapë dyert dhe hyrja në stadium do të jetë falas. Shqipëria U21, pret të ketë tifozët, si lojtarin e 12-të, ashtu siç ndodhi edhe me Finlandën, ku pjesëmarrja e tifozëve ishte e konsiderueshme.

Ndeshja është planifikuar për tu luajtur, të martën e 26 marsit, në orën 17:00 në kryeqytet.





Lajmet e fundit nga