web counter
LEXO PA REKLAMA!

SHKARKO APP

App Store
Google Play

Fundi i një epoke: Hugo Lloris “gozhdon” dorezat, francezi tërhiqet nga “Gjelat”

2023-01-10 10:14:24, Sport CNA

Portieri i kombëtares franceze, Hugo Lloris, ka njoftuar ditën e djeshme tërheqjen e tij nga futbolli ndërkombëtar në moshën 36-vjeçare, në të njëjten ditë kur ish-shoku i tij i skuadrës te Tottenham, Gareth Bale, vari këpucët.

Gardiani i Spurs dhe i Francës, i cili mbajti një rekord prej 145 paraqitjesh dhe si kapiten 122 herë, përkulet pas dëshpërimit të humbjes së finales së Kupës së Botës kundër Argjentinë në Katar, ku Franca kërkonte të ruante titullin e saj të 2018.

“Vjen një momen kur duhet të dish të dorëzosh frenat. Gjithmonë kam thënë vazhdimisht se skuadra franceze nuk i përket askujt dhe ne të gjithë duhet të sigurohemi që të jetë kështu, unë së pari. Mendoj se skuadra është gati për të vazhduar. Ka edhe një portier që është gati, Mike Maignan”, është shprehur Lloris.

Karriera me kombëtaren e Francës e Lloris u shtri nga viti 2008 deri në 2022 dhe e pa atë të luajë në katër Kupa Bote dhe tre turne të Kampionatit Evropian. Ai i udhëhoqi ata drejt lavdisë botërore në Rusi në vitin 2018, përpara se skuadra e tij të dështonte katër vjet më vonë, duke humbur 4-2 në penallti kundër ARgjentinës së Leo Messit.





Lajmet e fundit nga