web counter
LEXO PA REKLAMA!

SHKARKO APP

App Store
Google Play

Fitoi 900 mijë paund duke kaluar Shqipërinë, Anglia i vendos superbonus Sauthgejt për fitoren e Botërorit

2022-10-17 20:12:04, Sport CNA

Garet Sauthgejt ka shumë arsye pse të bëjë maksimumin për t’i siguruar Anglisë Kupën e Botës që i mungon që nga viti i largët 1966 dhe një prej tyre është financiar. Trajneri i përfaqësues angleze është mësuar se ka një bonus të jashtëzakonshëm financiar nga Federata Angleze nëse çon “tre luanët” drejt suksesit në aktivitetin që zhvillohet në Katar.

Katër vite më parë, pakkush priste ecurinë mbresëlënëse të Anglisë por gjithsesi, për Sauthgejt i cili ishte në fillimet e tij, ishte vendosur një bonus prej 1,5 milionë paund në kontratë në rast suksesi. Tani ky bonus thuajse është trefishuar.

“The Sun” ka mësuar se trajneri do të përfitojë tashmë 4 milionë paund nëse ia del të kthejë përsëri trofeun në Londër. Burimet e tabloidit britanik kanë siguruar se Sauthgejt ka fituar 900 mijë paund vetëm për faktin se kualifikoi “tre luanët” në këtë turne në një grup pjesë e të cilit ishte edhe Shqipëria. Ndërkohë Sauthgejt ka një kontratë e cila i përfundon në vitin 2024 me Anglinë, me një rrogë prej 6 milionë paund në vit.





Lajmet e fundit nga