web counter
LEXO PA REKLAMA!

SHKARKO APP

App Store
Google Play

E larguan nga Milani, Maldini merr dy oferta të rëndësishme

2023-07-25 17:09:00, Sport CNA

E larguan nga Milani, Maldini merr dy oferta të rëndësishme

Është larguar nga Milani, por nuk do të thotë se pushimet verore të Paolo Maldinit do të zgjasin shumë, sepse ish-futbollisti i njohur e më pas drejtuesi i klubit kuqezi ka marrë ofertë edhe nga Paris SG-ja, por edhe nga Italia. Në fakt, legjenda e Milanit ka në tryezë dy oferta për të shqyrtuar. Sipas asaj që raporton rrjeti “Sky Sports”, gjigandja pariziene planifikon ta punësojë Maldinin si drejtor të klubit, ndërsa dyert atij ia ka hapur edhe Federata Italiane e Futbollit.

Në fund të sezonit të kaluar Milani e shkarkoi Maldinin nga posti i drejtorit, një vendim që është përballur me një kundërshtim të madh nga ana e tifozëve. Paolo Maldini është një legjenda e Milanit si futbollist, ndërsa në rolin e drejtorit ishte emëruar në vitin 2018, duke e udhëhequr skuadrën drejt rikthimit tek titulli “kampion” para dy sezonesh.

Sipas mediave italiane, thuhet se largimi i Maldinit ka ardhur pas mospajtimeve që ka pasur me pronarët e klubit rreth strategjisë për edicionin e ri. Tek Paris SG-ja ai pritet të zërë vendin e një tjetër ish-lojtari të Milanit, siç ishte Leonardo, ndërsa edhe politika e klubit parisien ka ndryshuar tashmë, nga ajo e yjeve të mëdha në skuadër, tek ajo e të rinjve që premtojnë për të ardhmen.





Lajmet e fundit nga