web counter
LEXO PA REKLAMA!

SHKARKO APP

App Store
Google Play

ZYRTARE/ Ndryshon orari për ndeshjen e Shqipërisë

2023-07-25 12:09:35, Sport CNA

Ndryshon orari i ndeshjes Moldavi – Shqipëri, e vlefshme për kualifikueset e Kampionatit Europian ‘Gjermani 2024’, që ishte planifikuar të luhej në orën 20:45 të datës 17 nëntor.

UEFA ka pranuar kërkesën e palës moldave, që kishte rënë ndërkohë dakord në parim edhe me Federatën Shqiptare të Futbollit për të ndryshuar orarin e fillimit të kësaj ndeshjeje nga 20:45 në 18:00 (sipas orës lokale evropiane).

Shorti e ka vendosur Shqipërinë në Grupin E në këto kualifikuese, ku veç Moldavisë, Polonia, Republika Çeke dhe Ishujt Faroe janë kundërshtarët e tjerë të kuqezinjve.

Shqipëria renditet aktualisht në vendin e dytë të Grupit E, pas tri ndeshjeve të luajtura, ku ka siguruar dy fitore përballë Moldavisë dhe Ishujve Faroe, ndërsa ka humbur përballjen e parë me Poloninë.

Në muajin shtator, kuqezinjtë do të luajnë dy ndeshje vendimtare për këto kualifikuese, kundër Republikës Çeke (7 shtator) në transfertë dhe Polonisë (10 shtator) në stadiumin ‘Air Albania’.

Më 12 tetor, ekipi kuqezi do të presë në shtëpi çekët, me sfidën që është planifikuar të nisë në orën 20:45. Po në tetor, Shqipëria do të zhvillojë një ndeshje miqësore kundër Bullgarisë. Kjo sfidë është planifikuar të luhet më 17 tetor në stadiumin ‘Air Albania’.

Ndërsa në muajin nëntor, kuqezinjtë e drejtuar nga trajneri Silvinjo do të luajnë dy ndeshjet e fundit të vlefshme për kualifikueset e Kampionatit Europian ‘Gjermani 2024’ kundër Ishujve Faroe dhe Moldavisë. Shqipëria udhëton fillimisht drejt Moldavisë më 17 nëntor, me sfidën që nis në orën 18:00, teksa do ta mbyllë këtë fushatë kualifikuesesh në shtëpi më 20 nëntor në ora 20:45.





Lajmet e fundit nga