web counter
LEXO PA REKLAMA!

SHKARKO APP

App Store
Google Play

Bingo për Champions League! UEFA siguron një ‘minierë’ ari për futbollin europian…

2022-08-20 12:18:24, Sport CNA

 UEFA arriti një marrëveshje me ‘CBS’, ‘Viacom’ dhe ‘Paramount’ për shitjen e të drejtave televizive të Champions League dhe pjesën tjetër të garave të saj në SHBA, në atë që është një nga kontratat më spektakolare të transmetimit sportiv në histori. 

Siç publikohet nga ‘The Athletic’ dhe konfirmohet nga ‘AS’, institucioni i futbollit europian i kryesuar nga Aleksander Ceferin do të fitojë 1.500 milionë euro për gjashtë sezonet, në të cilat garat e tij të klubeve do të shihen në tregun e Amerikës së Veriut, më të pasurit komercialisht dhe për sa i përket audiencës. 

Përfitimi është 250 milionë euro në sezon, pra përfaqëson një rritje prej 100 milionë euro në krahasim me atë të mëparshëm. Përqindja e rritjes ka të bëjë me zgjerimin e numrit të skuadrave në Champions League nga viti 2025, që do të thotë se do të ketë më shumë ndeshje dhe të paktën një duel kundër një tjetër kryesuesi në fazën e ligës. Për më tepër, për herë të parë UEFA zgjat kohëzgjatjen e kontratës nga tre në gjashtë vjet, gjë që i lejon asaj të sigurojë edhe një shumë të madhe për një kohë më të gjatë.

Champions League ka fituar interes mes amerikanëve vitet e fundit. Publiku për finalen mes Madridit dhe Liverpoolit ishte një nga më të mëdhenjtë ndonjëherë dhe mendohet se linja mund të jetë e njëjtë dhe madje të rritet edhe në sezonet e ardhshme me konsolidimin e një kompeticioni evropian me më shumë ekipe dhe më shumë ndeshje.





Lajmet e fundit nga