Analizë e Milanit/ Mund dhe stol luksi, ja si “Djalli” e gjeti parajsën në Veronë

2022-10-18 17:48:57, Sport CNA

Fillimisht pikët, pastaj paraqitja. Milani në Verona i kushtoi vëmendje substancës dhe mori një fitore shumë të rëndësishme, madje Pioli e nënvizoi menjëherë pas ndeshjes.

Tri pikë të dobishme për të qëndruar në vazhdën e Napolit, në -3 nga maja, dhe që japin moral, shumë moral. Në një mbrëmje të vështirë, kuqezinjtë mundën të vuanin pa u fundosur.

Verona tinëzare e Boketit nuk e meritonte humbjen, por i la vend mësymjes së Tonalit. Një gol që sillte ndërmend dopietën më aromë titulli të 8 majit të vitit të kaluar.

Stadiumi “Bentegodi” është praktikisht kopshti i shtëpisë së tij, mesfushori me numrin 8 mbi supe është macja e zezë e verdhebluve. Lider teknik dhe më shumë se aq.

Pioli i dha çelësat e mesfushës dhe dhomës së zhveshjes. Titullar i rregullt që nga 3 shtatori, Sandro flet pak, por kur flet është i mprehtë, si në fushë.

“Fitorja në ndeshje të këtij lloji peshon shumë. Edhe në mbrëmjet negative arrijmë të fitojmë”. Telegrafik, por një sinjal shumë i rëndësishëm dërguar Napolit: Milani është aty dhe nuk i ndahet.

PRURJET E REJA – Për lojën cilësore, megjithatë, duhet të presim. Pa alarme, që te jetë e qartë. Pioli, si gjithë të tjerët, i gëzohet fitores, por e di mirë që steka duhet ngritur sërish, ndeshje pas ndeshjeje.

Mes lëndimeve dhe lodhjes, rruga është ende e gjatë. Kjo është arsyeja pse vendosja e “drithit” rezerve që tani, merr edhe më shumë vlerë. Të dielën mbrëma për herë të parë trajneri i kuqezinjve u ka dhënë më shumë hapësirë të ardhurve të rinj. Adli në herën e parë si titullar tregoi se kishte një teknikë të mirë, por gjithsesi është ende i papjekur.

Çao, nga ana tjetër, iu deshën vetëm 7 minuta për t’u paraqitur me një CV të shkëlqyer. I hyrë për të mbrojtur rezultatin, 21-vjeçari gjerman iu bind urdhrave me dy ndërhyrje shpëtimi nga Depaolit dhe Djuriçit. Më në fund Origi, që duket gati të lulëzojë, sigurisht që edhe ai ka një dëshirë për të qenë i dobishëm.

PLANI – “Djalli” ka grumbulluar të paktën shtatë fitore në 10 ndeshjet e para të një kampionati të Serisë A për tri sezone radhazi për herë të parë në historinë e tij (në 2020-’21 tetë fitore në 10 javët e para, në 2021-’22 nëntë fitore në 10 javët e para).

Statistikat mund të përmirësohen aq më tepër me një javë para pa angazhime.

Ekipi ka kohë për të përgatitur në mënyrën më të mirë të mundshme ndeshjen ndaj Monzës dhe turneun deri në pushimin e Botërorit, shtatë ndeshje në njëzet ditë.

Një javë kyçe ku Pioli dëshiron të punojë për të bërë kthesën në aspektin teknik.