web counter
LEXO PA REKLAMA!

SHKARKO APP

App Store
Google Play

Si gënjyen Bashistët/ Nuk morën pjesë në protestë

2023-02-12 21:08:00, Politikë CNA
Si gënjyen Bashistët/ Nuk morën pjesë në protestë
Fotomontazh - Enkelejd Alibeaj, Lulzim Basha dhe Gazment Bardhi

Ditën e djeshme mijëra qytetarë zbritën në bulevard, duke iu përgjigjur thirrjes së Partisë Demokratike dhe opozitës për të protestuar kundër kryeministrit Edi Rama për dosjen “McGonigal”.

Në këtë protestë supozohej se do të merrnin pjesë edhe Bashistët, të cilët në daljet e tyre për media thanë se do të bashkohen me Sali Berishën kundër Edi Ramës.

Por kjo nuk ishte gjë tjetër veçse një gënjeshtër. Ndonëse Bashistët thonë se janë kundër kryeministrit, ata nuk shkuan në protestë siç vetë patën deklaruar.

Lulzim Basha, Enkelejd Alibeaj, Agron Gjekmarkaj, Kreshnik Çollaku dhe deputetët e tjerë të grupit të vulës nuk u panë asgjëkundi në protestë.

As Gazment Bardhi që dilte nëpër media e deklaronte se do të shkonte nuk zbriti në shesh për t’iu bashkuar Berishës e qytetarëve që kërkonin dorëheqjen e Ramës.

Edhe ndonjë që iu bashkua protestës shkoi vetëm për fasadë, pasi as në rrjetet e veta sociale nuk e promovuan atë dhe as qytetarëve nuk i bënë ftesë.

Ndryshe nga protestat e mëparshme që e nisnin nga mëngjesi deri në darkë me thirrje e statuse në Facebook, ata nuk u ndjenë në asnjë moment.

Pra, shkuarja e tyre në shesh ishte thjeshtë dhe vetëm një fasadë mashtruese, sa për të thënë që ne u bashkuam, kur e vërteta është se ata gënjyen shqiptarët./ CNA.al





Lajmet e fundit nga