web counter
LEXO PA REKLAMA!

SHKARKO APP

App Store
Google Play

Bylykbashi, thirrje nga komisariati/ Do mbrojmë çdo demokrat, dhanë mesazh të jashtëzakonshëm

2023-02-11 16:18:00, Politikë CNA
Bylykbashi, thirrje nga komisariati/ Do mbrojmë çdo demokrat,
Deputeti i PD-së, Oerd Bylykbashi

Deputeti i PD-së, Oerd Bylykbashi, së bashku me Albana Vokshin, kanë shkuar në komisariatet 1 dhe 2, ku janë shoqëruar tre protestues.

Në një deklaratë për mediat, Bylykbashi kërkoi lirimin e të shoqëruarve, teksa tha se do të mbrojnë çdo demokrat.

Ai theksoi se qytarët dhanë një shembull dhe mesazh të jashtëzakonshëm.

“Erdhëm në komisariat për shoqërimet që janë bërë nga policia. Ishte një protestë madhështore që dha mesazhe të jashtëzakonshme. Ishte një protestë paqësore por e qartë se nga sot e tutje fillon revulucioni demokratik. Në këtë lëvizje është e drejta e çdo qytetari të marrë pjesë dhe të protestoj fort. Përpjekja është për të bërë totalisht themelet e demokracisë. Pluralizimin politik.

Protesta e sotme është mesazhe fillimi, protestat do vazhdojnë. Sot protestuesit kanë dhënë një shembull të jashtëzakonshëm. Të gjithë qytetarët që janë shoqëruar do të lirohen sepse është e paligjshme shoqërimi i tyre. Deputetët janë të gatshëm t’i qëndrojnë pranë çdo qytetari. Ose Edi Rama do të dorëzohet para të drejtës së shqiptarëve për të votuar dhe për ta shporrur me votë ose qytetarët më pas do ta largojnë”, nënvizoi ai./ B.A. - CNA.al





Lajmet e fundit nga